Zambiak lehen aldiz irabazi du titulua

AFRIKA KOPA. Zambiak ezustekoa eman zuen herenegun, Boli Kostari Afrika Kopako finalean irabazita. Penalti jaurtiketetan erabaki zen garaipena, ez Zambia ez Boli Kosta ez baitzen gai izan gol bat sartzeko. Penalti jaurtiketetan ere parekotasun handia egon zen, hemezortzi penalti bota behar izan baitzituzten irabazlea nor zen jakiteko. Zambiak bere historiako lehen titulua du.