Zumaiak beste garaipen bat gehitu dio traineruen denboraldiko sortari. Euskotren liga bereganatu zuen igandean, Zarautzen, eta lehendik irabazia zuen ligari batu dio, Gipuzkoako ligari. Historikoa da garaipena, orain arte inoiz irabazi gabea zelako Traineruen Kluben Elkarteak antolatzen duen liga preziatua.
Larunbatean, etxeko lanak erdi osatuta utzi zituen, lan bikaina eginez. Galizia bi puntura zuela ekin zion igandeko borrokari, eta ez zen bezperakoaz bizitzera atera. Asko zegoen jokoan: Zarauzko bandera eta Euskotren liga irabaztea. Biek hartu zuten gorri kolorea lehen luzea aurrera joan zein heinean. Estropadaren buruan jarri zen, Galizia zuen bigarren, eta Getaria-Tolosa hirugarren zetorren; horrek lasaitasuna eman zien zumaiarrei, Galiziak liga irabazteko bi baldintza bete behar zirelako: igandean gailentzea, eta beste ontzi bat edo bi sartzea beraren eta zumaiarren artean. Horretarako aukerarik ez zegoela azkar ikusi zen.
Ziabogan, Zumaia zen aurretik. Baina, azkenean, Galiziak aurrea hartu zion, segundo erdi pasagatik. Bandera eta liga Zumaian ziren. Lau bandera bereganatu ditu ligan, zortzitik.
KAE1 ligari dagokionez, berriz, denboraldiko 11. estropada jokatu zuten atzo arratsaldean, Bilbon, eta Oriok irabazi zuen, espero zen bezala. Estropada guztiak irabazi ditu Oriok, gainerakoei aukerarik eman gabe. Bakarra falta da liga amaitzeko. Erlojuaren aurkako lanean, Getariak eman zuen ezustea; bigarren izan zen, eta Santurtzik, ligako bigarrenak, seigarren bukatu zuen.
Zumaiak aurrenekoz irabazi du Euskotren liga
Zarauzko bandera lortuz, bikain amaitu du liga honetan aurten egin duen bide zuzena
Iruzkinak
Ez dago iruzkinik
Ordenatu
