Nafarroako Gobernuak LTDko bi lizentzia lehiaketaren deialdia egin zuen abuztuan, eta bost enpresatako zazpi proiektu aurkeztu dira. Batetik, bi kanal autonomikoetarako lehiaketa dago, joan den martxoan Canal4k bere lizentziari uko egin eta gero. Hiru proiektu aurkeztu dira lehia horretara: Abian Komunikazioa SL, Xaloa Elkartea eta Vaughan Radio SL. Kontuan hartu behar da Xaloa Telebista 1997tik ari dela emititzen Baztan-Bertizarana-Malerreka inguruan, baina lizentziarik gabe. Eskualde horietan, ez dute egin tokiko lehiaketarik.
Tokiko LTDko kateetarako da beste lehiaketa. Iruñean, honako enpresa hauek aurkeztu dira: Abian Komuniazioa, Xaloa Elkartea eta Hamaika Telebista Hedatzeko Taldea SA. Tafallan proiektu bakarra aurkeztu da, Francisco Javier Ramos Cizaurrerena. Lizarra, Tutera eta Zangozako eremuetan, berriz, ez dute lizentziarik emango.
Nafarroako Gobernuak ez ditu nahitaez eman behar lehiaketa horietako lizentziak; gerta daiteke guztiak eman gabe uztea.
Puntuazioari dagokionez, euskarazko ekoizpen propioak sustatzeak ehun puntutik bost puntu hartuko ditu.
Komunikazioa
Abian, Xaloa, Hamaika eta Vaughan, LTDko Nafarroako lehiaketan
Lehiaketa batera deitu du Nafarroako Gobernuak bi kate autonomikotarako, Canal4k lizentziari uko egin eta gero
Iruzkinak
Ez dago iruzkinik
Ordenatu
