'Berria.info'-k ere greba orokorraren jarraipen berezia egingo du

Berria.info-k luze eta zabal landuko du Hego Euskal Herriko sindikatuek martxoaren 29rako deitutako greba orokorra.

Horretarako, gaiaren inguruko webgune berezi bat sortu du. Bertan, Espainiako Gobernuak bultzatutako lan erreformarekin eta martxoaren 29ko greba orokorrarekin zerikusia duten albisteak, irudiak eta bideoak jasotzen dira. Horretaz gain, ostegunean egun osoan grebaren berri zabala emango du, eguneko albisteak, protestak eta balorazioak jasoz. Gainera, herritarrek bidalitako argazkiekin eta bideoekin bildumak egingo dira, eta tokian tokiko informazioaren berri emango da Berriketan.info sare sozialaren bidez.