'Berriketan.info'-k 500 erabiltzaile ditu jada

INTERNET.Berriketan.info euskarazko sare sozialak 500 erabiltzaile ditu. Herenegun eman zuen izena 500. erabiltzaileak. Euskarazko lehen sare soziala da Berriketan.info, eta aktualitatearen inguruko albisteak eta komentarioak jasotzea du helburu, etxekoak nahiz kanpokoak, herri mailakoak nahiz nazionalak. Azaroan abian jarri zenetik, aktualitatearen inguruko albiste ugari jaso ditu eta, larunbataz geroztik, Kristina Berasain BERRIAko kazetaria Kairotik zuzenean ari da Egipton gertatzen ari denaren berri ematen, testuez eta argazkiez.