'Diario de Noticias'-eko langileak, erregulazio espedientean

Beste egunkari asko bezala, egoera ekonomiko kezkagarrian da Diario de Noticias de Navarra. Zuzendaritzak enplegua erregulatzeko espediente bat zabaldu du, 129 langileetatik 111ri eragingo diena. Hala, ekainaren 1etik aurrera, 111 langile horien lanorduak %25 murriztuko dira. «Administrazio kontseiluak egin duen kudeaketa da egoera honen erantzulea, zuhurtasunik gabeko inbertsioak egin baitituzte», salatu du langile batzordeko ordezkari Kepa Garciak. El Noticias necesita un plan lelopean, langileek elkarretaratzera deitu dute gaurko: Iruñeko Carlos III.a etorbideak Gazteluko plazarekin bat egiten duen lekuan izango da, 12:00etan.