Euskaraldia egiten ari diren egunotan, Berria telebista bideo bat ari da sareratzen egunero, Berria bizi saioan. Igande honetako saiorako, Euskaraldian parte hartzen ari diren herritarren esperientziak bildu nahi ditu egunkariak: ahobizi zein belarriprest rola jokatzen ari direnenak. Horretarako, bideoak ostegunerako bidali beharko dira, Whatsapp bidez, honako zenbakira: (0034) 664-25 91 41. Twitter bidez ere bidal daitezke lekukotzak, @berria eta #berriabizi jarrita. Bideoek 30 segundo ingurukoak beharko dute izan, eta horizontalean grabatuak.
11 bideo egingo dituzte
Hizkuntz ohiturei buruzko askotariko bideoak ari da egiten Berria telebista: gaur goizean irainei edo biraoei buruzko bideo bat jarriko dute webgunean eta sare sozialetan; biharko bideoan, berriz, Bermeo mask karatula berezia aurkeztuko du egunkariak.
Euskaraldiko bideo guztiak BERRIAren webgune berezian ikus daitezke. Aurrenekoan, Lutxo Egiaren esperientzia jaso zuten; bigarrenean, euskara osasun arloan gaia landu zuten; eta hirugarrenean, Lazkaoko (Gipuzkoa) Maizpide euskaltegiko ikasleekin aritu ziren solasean. 11 bideo egingo dituzte guztira, astelehenera arte.
Euskaraldian parte hartzen ari direnen bideoak jasoko ditu BERRIAk
Iruzkinak
Ez dago iruzkinik
Ordenatu