Hauteskunde kantonalak hizpide Euskal Irratietan

IRRATIA. Iparraldeko Euskal Irratiek sei mahai-inguru egingo dituzte hauteskunde kantonalak direla-eta. Bihar Baionako Mendebaldeko hautagaiek eztabaidatuko dute, 19:00etan. Honakoak izanen dira solaskideak: François Gourfrant (Alderdi Radikala), Yves Ugalde (Bayonne par Coeur), Henri Etxeto (Alderdi sozialista), Peio Menta (Euskal Herria Bai), Jean Claude Soudre (Front de gauche), Daniel Hegoburu (Alderdi berdea) eta Sergue Nogues (100% gauche). Asteartean, Ipar Angeluko kantonamenduko hautagaiak izanen dira.