Kazetaritzan urtebetez aritzea galarazi dio Turkiako auzitegi batek Havva Karakaya kazetariari. Kirsehir hiriko Postasi egunkariaren jabe eta zuzendaria da Karakaya, eta arazoak izan ditu hiriko udalaren inguruan argitaraturiko artikuluengatik.
Kazetariak argitaraturiko testu batek udalaren irudia «zikintzen» duela erabaki du auzitegiak. Udalari 3.122 euroko kalteordaina emateko agindu dio Karakayari, eta bere lanetik aldentzeko urtebete eta 10 egunez. Epaia «guztiz pertsonala, alegala eta erabat subjektiboa» dela esan du ÇGD kazetarien elkarteko buru Ahmet Abakayk.
Komunikazioa
Kazetari bati lan egitea debekatu diote Turkian
Iruzkinak
Ez dago iruzkinik
Ordenatu
