'Público.es' erosi du Display Connectorsek

Otsailean utzi zion paperean argitaratzeari Público egunkariak, baina Interneten Público.es webguneak jarraitu du. Kalean gelditu ziren 130 langileak batu egin ziren, eta webgunea erosteko asmoa zuten. Eroslea, ordea, Display Connectores enpresa izan da. 412.000 euro ordaindu dituzte. Enpresa horretan akzioen %5 Jaume Roures Público egunkaria kontrolatzen zuen enpresariaren esku daude. Dena den, Público-ko langile ohiak beste proiektu bat martxan jartzeko lanean ari dira buru-belarri: MásPúblico. Paperezko edizio bat izango du, eta beste bat sarean.