TRAVEL CHANNEL KATEA, BIZKAIAN

Bizkaiko Busturialdea eskualdean izan da azkeneko egunetan Travel Channel International katea dokumental saio bat grabatzen. Grabazio batzuk elkarte gastronomikoetan egin dituzte. Goiko irudia, esate baterako, Gautegiz-Arteagako txoko batekoa da. Erreportariek afari eder batez gozatu zuten, hemengo txakolinaz lagunduta. Laida eta Laga hondartzetan ere hainbat grabaketa egin dituzte. Dokumental turistikoa udazkenean estreinatuko dute.