Urte zaharretik

Nola esan agur joan badoan 2011ri? Ostikada eman ipurdian, ken dadila paretik lehenbailehen? Txalo parrasta jo, joan dadila harro ederrean? Onena izango dugu telebista publikoak nola, agurtu, laburtu duen ikustea; gero juzkatzeko, ez hainbeste urtea, baizik telebista publikoa. Hara hor urtearen laburpena, ETBren ustera.

Urtarrila: su-etena. Tabakoaren lege berria. Langabeziak gainditzen du %10. Otsaila: Sortu jaio; bortizkeria errefusatu; Sortu legez kanpo. Alakrana bahitua. Tahrir plaza, udaberri arabiarra. Alex de la Iglesiaren dimisioa. Autoak ez dira saltzen. Discovery-ren azken bidaia. Martxoa: lurrikara Japonian; olatu erraldoia; Fukushimako zentral nuklearra. Miguel Sanzek, agur; Uxue Barkosek, gero arte. Abiadura muga 110 km/h. Apirila: Kukullaga Goikoakoak bota nahi; zazpi familia kalera egunero EAEn. 35.000 familiek, kide guztiak langabezian.

Maiatza: Grezia hondamenaren atarian. AEBek Bin Laden hiltzen dute. Lorcan lurrikara. Bildu garaile etxean; PP estatuan; aldaketak Gipuzkoan, Donostian eta Araban. Ekaina: Garitano eta Izagirre, Azkuna eta Bilbao, De Andres eta Maroto, Barcina eta Maia. Donostia: kulturaren hiriburu; hautagai batzuk haserre; alkatea Bildukoa da. Xala. Luzokerraren afera. Uztaila: turista oldea, errekorra, gastronomia-kulturak erakarmena. Txillida Leku itxita. BBK Live: Coldplay. Samuel Sanchezek, etapa Tourrean. Bielsa, Urrutia. Erretiroa 67 urtera. Norvegian atentatuak. Abuztua: hiru emakume erail. Bost lagunetatik hiru ito.

Iraila: Zinemaldia. Kukutza hustu eta bota, istiluak. Hiru kutxen bat egitea, laugarrenean, Kutxabank, babes politiko zabala. Enpresa ezagunen itxiera: Babcock, Daewoo. Bake Konferentzian, ez Eusko Jaurlaritza, ez Espainiako Gobernua. Urria: gidoia beteta, biolentzia eta izu-ikarazko bost hamarkaden akabera; Lehendakaria bidaian; garai berriaren hasiera. Gaddafi harrapatu; potentziak interbentzio militarrean. Maroko, Tunisia eta Egipton, lehen hauteskundeak; Sirian errebolta, errepresioa. Azaroa: 24 orduan 300 litro euri; Gipuzkoa erdia ur azpian. Hauteskunde orokorrak; mapa politiko berria. Burtsek erantzun positiborik ez. Abendua: Raxoi presidente. Amaiurren agerpena; argazki artean imajinaezinak. Kim Jon Il diktadorearen heriotza. Zortzi metroko olatuak.