Vilaweb+ irakurleen komunitatea sortu dute

Vilaweb katalanezko atariak irakurle komunitate bat sortu du, batetik komunikabidearen finantzaketan laguntzeko, eta bestetik bere independentzia editoriala indartzeko. Vilaweb+ komunitatean parte hartu nahi dutenek lau modalitate izango dituzte aukeran, bakoitzagatik hilean diru kopuru bat emango dutelarik. Komunitateko kide izan nahi duten enpresa eta elkarteentzat ere sortu dute sail bat. Vilawebek webtv saio berri bat sortuko du, eta komunitateko kideek grabazioetan parte hartzeko aukera izango dute. Kideek aldizkari bat ere jasoko dute PDF formatuan.