BASERRIAK PINTURATAN

Donostiako Vasco de Camping elkartearen egoitzan erakusketa monografikoak jartzen dituzte, eta aste honetan inauguratu duteJose Luis Perez Judezen pintura erakusketa (argazkian): Mendiko borda eta baserriak Europan. Hamalau oleotan Azkoitiko eta Amezketako baserrietatik hasi, eta Alpeetako Cervino mendiaren magaleko etxoletara darama bisitaria. Erakusketa apirilaren 15a bitartean edukiko dute, elkarteak Gros auzoko Iparragirre kalean duen egoitzan, astelehenetik ostiralera, 18:00etatik 20:30era.