Pou anaiek lehen aldiz osatu dute estilo askean 'Jon' bidea, Lezeko kobazuloan

ESKALADA. Iker eta Eneko Pou eskalatzaile gasteiztarrek lehenbiziko aldiz igo dute estilo askean Jon bidea, Eginoko (Araba) Lezeko kobazuloko arkuan. Zailtasun handikoa da bidea: 8a+ edo 8b. «Ilusio handia egiten zigun lehenak izateak. Inoiz ez genuen pentsatuko halako zerbait eta estilo honetan eskalatuko genuenik. Hau eginda, jarraituko dugu etxean erronka berriak bilatzen», esan du Iker Pouk.