'Paganismo'
Taldea: Sonido Gallo Negro. Diskoetxea: T-Vox Records.
Mexikako taldearen lan berria da hauxe, bosgarrena hain zuzen ere, eta bertan beste irudimen dosi bat gehitzen diote chicha eta cumbia perutarrari. Efektuz, 89ko jostailuzko elektronikaz, psikodelia haluzinatu samarraz eta umore gehienetan surrealistaz betetako disko bat da. Agerian uzten du, berriro ere, talde hau zergatik den originalena cumbia elektronikoaren esparruan. Egia da azken urteetan asko izan direla antzeko proposamenekin iritsi zaizkigun taldeak, baina gutxi, ordea, denboran iraun eta beren proposamen musikala hain modu irudimentsuan azaldu dutenak. Benetan jostagarria.
