Urkijo: «Elkarbizitzarako tresna izan behar du espetxe politikak»

Espetxe politika «elkarbizitzarako tresna» bihurtu behar dela esan du Txema Urkijo Eusko Jaurlaritzako Biktimei Laguntzeko Zuzendaritzaren koordinatzaileak. Legedia «malgua» dela adierazi du, eta aukera eskaintzen duela «egungo baldintzetara egokitzeko». «Egungo legedia betetzeak aukera emango luke, besteak beste, Arnaldo Otegi kalean egoteko». Era berean, Urkijok eskatu du euskal presoak Euskal Herriko espetxeetara ekartzeko, presoen hurbiltzeak ETAren amaierari buruzko eztabaida «erraztuko» duelakoan. Ezker abertzalearentzako mezua ere izan du. «Indarkeria deslegitimatzeko bidean» urratsak egitera deitu du. «Kale egin duela onartu behar du».