Albistea entzun

Bihar abiatuko da Ernai eta Aitzinaren gazte martxa, Lekunberrin

Euskal Herri osoko ehunka gazte bilduko dira ekinaldian, eta 'Herria Mugarri. Gazteok martxan' izango dute horretarako leloa.

Elkar ezagutu, harremanak sakondu eta ilusioa berpiztea dute helburu
2012an egindako gazte martxaren irudi bat.
2012an egindako gazte martxaren irudi bat. GARI GARAIALDE / ARGAZKI PRESS

Aitziber Laskibar Lizarribar -

2015eko apirilak 2

Lekunberrin bihar goizean hasi, Irurtzun eta Berriozarren geldialdiak egin, eta Iruñeko Aberri Egunean amaituko dute aurtengo gazte martxa, igandean, Euskal Herri osoko ehunka gaztek. Ernaik eta Aitzinak elkarrekin prestatu dute aurtengo Aste Santuko ekitaldi sorta. Iaz Altsasun egin zuten Burutakzioaren ondoren, bigarren aldia izango da egunok elkarrekin igaroko dituztena, eta aurrera begira ere gune komunak partekatzeko nahia dute. Aurtengo martxaren helburua bidean elkar ezagutzea, elkarrekin eztabaidatzea eta kultur ekitaldiez gozatzea da, bai eta ondo pasatzea ere; gazteak indarberritu, ilusioz jantzi eta oporraldiaren ondoren nor bere herrira lanerako gogoz itzultzea.

Hego Euskal Herriko gazte antolakundea da Ernai. Aitzina, Ipar Euskal Herrikoa. Herri osoa «mugarri» hartu nahi dutela diote, eta gazte indarra mugiarazi nahi dutela. Horixe da, hain zuzen, aurtengo ekinaldiari jarri dioten leloaren zentzua: Herria Mugarri. Gazteok martxan.

Prestaketa lanetako azken txanpan, lepo daude gazteak. Eta ez soilik gazteak. Martxak zapalduko dituen inguruetako herritar asko lotu dira elkarlanera, eta 300 bat pertsonak lagunduko dute horretan.

Mila bat gazte espero dituzte antolatzaileek. Oinez egingo dute Lekunberritik Iruñera arteko bidea, hitzaldi, tailer eta kultur eskaintzak izango dituzte egun bakoitzeko arratsaldeetan, eta kanpin dendetan lo egingo dute. Hiru egunerako sarrera izango dute martxalariek. Larunbatean egingo den ekitaldi eta jaialdira soilik joateko aukera ere izango da, egun horretarako sarrera erosita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iruñeko Baluarte plaza. Orain, Konstituzio plaza izendatu du Navarra Sumak. ©Mgoni4

Navarra Sumak badu bere Konstituzio plaza Iruñean

Uxue Rey Gorraiz

Enrique Maia buru duen Iruñeko Udalak izena aldatu dio orain arte Baluarteko plaza zenari: Konstituzio plaza deitu dute. Plazaren izena azaltzeko plakak urratu egiten du euskararen ordenantza: gaztelania hutsean dago.

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».
 ©JON URBE / @FOKU

Altsasu: tsunamiari aurre egin dion horma

Joxerra Senar

Asteon, Europako Giza Eskubideen Auzitegiak ez du tramiterako onartu Altsasuko zortzi gazteen defentsaren eskaera, eta auzia itxitzat jo du. Amaia Izko abokatuak azaldu du «zail» egin zaiela Estrasburgon bost urteotako bidegabekeria ikusaraztea.

Amarik gabeko urtebetetze eguna

Amarik gabeko urtebetetze eguna

Maddi Ane Txoperena Iribarren

Maria Lizarraga eta Iñigo Gutierrez euskal presoen alaba Izadik bihar beteko ditu 3 urte. Kartzelatik atera beharko du orduan, Espainiako espetxe legediak hala aginduta, eta amarengandik bereizi. Gutierrez atzo atera zen espetxetik, hirugarren graduan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.