Aste Nagusietako kartel guztiak, Euskal Museoan

Aste Nagusiak iraun bitartean Zazpikaleetako Euskal Museoa ere jai giroan murgilduta dago. Egunotan, gainera, doakoa izango da sarrera, ahalik eta jende gehiena erakartzeko asmoz. Besteak beste, 1978ko lehen kartel hartatik aurtengora bitartean egon diren guztiak ikusteko aukera egongo da, erakusketa batean. Bide batez, bisitariek irudi horietan Gargantua bilatzeko lehiaketan parte hartu ahal izango dute; gutxitan agertu dela salatzeko-edo antolatu dute. Era berean, bertatik bertara ikus daitezke goizero Bilboko kaleetan ibiltzen diren erraldoiak.