Ikasteko ohitura hartzeko balio dute
Alde. Gelaz kanpo, norbere kabuz ikasten jarraitzeko dinamika txertatzen laguntzen dute.
Kontra. Ez da ikasteko ohiturarik hartzen lanak motibaziorik gabe behin eta berriz egiten. Interesak lortzen du hori.
Gaitasun akademikoa hobetzen dute
Alde. Gelan emandakoa berriz etxean gogoratzeko balio dute, batez ere gelan motelago direnei.
Kontra. Zailtasunak dituztenek arazoa etxera eramaten dute, lan horiek gehienetan gelan egindakoen errepikapena besterik ez direlako.
Bakarka ikasteko tartea ematen dute
Alde. Ikasleak autonomiaz jarduten ikasten du, gaiak bakarka landuta.
Kontra. Haur askori senide batek laguntzen die etxerako lanak egiten, edo irakasle partikular batek. Diskriminazioa sor dezake horrek.
Denbora antolatzen irakasten diete haurrei
Alde. Aisialdiko ekintzetarako denbora banatzera behartzen ditu umeak.
Kontra. Bigarren Hezkuntzako gaztetxoentzat balio dezake horrek. Haatik, Lehen Hezkuntzako haurren denbora—eskolaz kanpoko jarduerak, kirola, musika— helduek antolatzen dute normalean.
ARGUDIOAK
Iruzkinak
Ez dago iruzkinik
Ordenatu