Albistea entzun

Gaurko gorde dituzte indarrak

Pedersenek irabazi du Vueltako hemeretzigarren etapa, eta faboritoak ez dira mugitu ere egin
Mads Pedersen helmugan besoa altxata, garaipena ospatuz.
Mads Pedersen helmugan besoa altxata, garaipena ospatuz. JAVIER LIZÓN / EFE Tamaina handiagoan ikusi

Beñat Mujika Telleria -

2022ko irailak 10

Lan bikaina egin zuen atzo Trekek. Argi dago Mads Pedersen dela tropeleko ziklistarik azkarrena, eta hori jakinda, Trekek ez zion ihesaldiari aukerarik eman. Eguna esprintean amaitzea nahi zuten, eta horretarako egin zuten lan. Hala ere, Pedersenek biribildu behar zuen taldekideek eginiko lana, eta ez zuen hutsik egin. Hirugarren garaipena lortu zuen danimarkarrak, eta laugarrena lortzeko aukera ere izango du bihar, Madrilen.

Ander Okamika (Burgos-BH) eguneko ihesaldian izan zen beste bi ziklistarekin batera, baina Trekek ez zien aukerarik utzi. Faboritoek oso lasai hartu zuten eguna, eta su artifizialak gaurko etaparako utzi zituzten. Denek onartu zuten Treken esprinterako apustua, eta inor ez zen eskema horretatik atera.

Elkarrekin iritsi zen tropela helmugara, eta esprintean erabaki zen etapa. Pedersenek berak abiatu zuen esprinta, eta Fred Wrightek (Bahrain) gurpila ondo hartu zion arren, ez zuen danimarkarra aurreratzeko indarrik izan.

Navacerradan erabakiko da

Gaur Navacerradan izango dute taldeburuek maillot gorria liderrari lapurtzeko azken aukera. Bertan erabakiko da aurtengo garailea, etapa bat faltako bada ere. Enric Masek (Movistar) gogor estutu beharko du Remco Evenepoel (Quick-Step) lehenengo itzuli handia eskuratu nahi badu; 2.07ren aldea baitago flandriarraren eta Masen artean, sailkapen nagusian.

Podiumeko azken posturako Juan Ayuso (UAE) eta Miguel Angel Lopez (Astana) arituko dira lehia bizian. 42 segundoko abantaila dauka espainiarrak, baina Kolonbiakoak esperientzia gehiago du horrelako egoerak kudeatzen.

Mendiko etapa gogor batekin erabakiko da nork soineratuko duen maillot gorria. Bost mendateri egin beharko die aurre tropelak, baina hiru izango dira garrantzitsuenak eta erabakigarriak: Navacerrada (10,6 kilometro eta %6,5eko pendiza), La Morcuera (13km %6,4ean) eta Cotos (10,2 km %5,7an). Hirurak dira lehenengo mailakoak, eta estrategiak garrantzi handia izango du.

Bestalde, Emakumeen Vueltako hirugarren etapan Grace Brown (FDJ-SUEZ) nagusitu zen, eta Annemiek Van Vleutenek (Movistar) jarraituko du lider. Gaur, Palentziatik Segoviarako bidea egingo dute, eta ibilbidea oso laua izango da. Bihar amaituko da lasterketa.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Soilik izozmendiaren punta ikusten da garaipenarekin»

Beñat Mujika Telleria

Lehenengoz hartu zuen parte Helene Alberdik nazioarteko triatloi batean, joan den asteburuan. Europako Txapelketa Bilbon jokatu zen, eta urrea kolkoratu zuen.
Juan Cruz Osasunako atzelaria eta Alexander Sorloth Realeko aurrelaria, lehian, aurreko denboraldian Anoetan jokatutako partidan. ©JAVIER ETXEZARRETA / EFE

Komeni indarberritu izana

Iñigo Lasa Fresneda

Realak eta Osasunak gaur ekingo diete norgehiagokaz betetako bost aste gogorri. Talde txuri-urdinak Gironan jokatuko du, eta gorritxoak Real Madrili egingo dio bisita

Masterseko finalerdiak jokatu zituzten herenegun gauean Nafarroa Arenan. 1.500 ikusle izan ziren harmailetan. Gehiago izango dira gaur finalean. ©JESUS DIGES / EFE

Udari txapela jarri nahi diote

Julen Etxeberria

Ezkurdia-Mariezkurrena eta Altuna-Imaz ariko dira gaur Masterseko finalean, Nafarroa Arenan

Alavesek ezin du burua altxatu, eta 0-4 galdu du Vila-realen kontra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Beñat Mujika Telleria

Informazio osagarria

Iruzkinak kargatzen...