NORTASUN AGIRIA. MOTZEAN

Izen-abizenak. Eli Pinedo Saenz.

Jaioterria. Amurrio (Araba).

Jaioteguna. 1981eko maiatzaren 13a.

Jokalari ibilbidea. Amurrioko Lucas Rey ikastetxea (1992-1995), Arrate (1995-1999), Bera Bera (1999-2004), Cementos La Union Ribarroja (2004-2005), Sagunt (2005-2007), Itxako (2007-2010), Odense (2010-2011) eta Bera Bera (2010-2016).

Garaipen zerrenda. Bera Berarekin, Espainiako lau liga, hiru kopa eta lau superkopa; Itxakorekin, Espainiako bi liga, kopa bat, superkopa bat eta EHF kopa bat; eta Espainiako selekzioarekin; bi aldiz Europako txapeldunorde (2008an eta 204an), brontzezko domina bat Olinpiar Jokoetan (2012an) eta brontzezko domina bat Munduko Txapelketan (2011n).

Taldekide bat? Tati Garmendia.

Entrenatzaile bat? Ambros Martin.

Partida bat? Espainiako selekzioarekin 2012ko Londresko OIinpiar Jokoetako hirugarren eta laugarren posturako partidan Hego Koreari luzapenean irabazia. Hala irabazi genuen brontzezko domina.

Porrot mingarriena? Rio de Janeiroko Olinpiar Jokoetako final-laurdenetan Frantziaren aurka galdu genuena.

Pista bat? Bidebieta, noski.

Aurkari bat? Norvegia.

Idolo bat? Ez naiz idolo zalea.

Zer eman dizu eskubaloiak? Dena, pertsonak eta momentuak batez ere.

Eta kendu? Familiarekin denbora gehiago egotea.

Arazorik sortu dizu ezagun izateak? Ez. Errespetu handiz tratatu izan naute beti.

Bizitzeko leku bat? Donostia. Madrilen bizi naiz orain, baina ez dago Donostia baino hiri hoberik bizitzeko.

Eta bertan galtzekoa? Berlin.

Zaletasun bat? Musika eta moda.

Zeri diozu beldurra? Partida garrantzitsu batean sentitzen den adrenalina ziztada hori berriro ez sentitzeari. Saiatuko naiz orain ere antzeko sentsazioak bilatzen.

Ametsik baduzu? Amets berriak asmatzen ari naiz orain.

Eta damurik? Ez.

Laster zeresana emango duen jokalariren bat? Maitane Etxeberria [Bera Berako eskuin hegalekoa].