Feminista aitzindariei aitorpena

Izaskun Landaida Emakundeko zuzendariak eta Maria Maeztu Forum Feministako zenbait kidek eman zuten atzo Berdintasunaren Emakunde sariaren izendapenaren berri. Azaldu zutenez, Euskal Herriko elkarte feministen «aitzindarietako bat» izateagatik emanen diote saria Forumari. Horrez gain, sariaren bidez epaimahaiak aitortza egin nahi izan dio borroka feministan gaur egungoen aitzinetik borrokatu diren emakume guziei: «Beharrezkoa da aurretik egindako lana ezagutzea, belaunaldi gazteenek ikus dezaten feminismoaren bidetik bakarrik egin daitekeela aurrera berdintasunaren bidean».