ATZEKOZ AURRERA. Ainitze Laskurain. Interpretea

«Estimu handitan daukate gorrek keinu hizkuntza»

Laskurainek salatu du keinu hizkuntzak ez duela behar duen lekua, ofiziala izan arren. «Pauso txikiak ematen ari gara, baina lan asko dago oraindik». Keinu hizkuntzan bizi nahiko luke.
JUANAN RUIZ / ARGAZKI PRESS Tamaina handiagoan ikusi

Kerman Garralda Zubimendi -

2018ko urtarrilak 17

Gorrentzako hizkuntza naturala keinu hizkuntza izan arren, entzuleei arrotza egiten zaiela dio Ainitze Laskurainek (Bergara, Gipuzkoa, 1983). Gaur, 19:00etan, keinu hizkuntza guztiengana gerturatuko du, Hitz Adina Mintzo zikloan.

Munduan zenbat hiztun ditu keinu hizkuntzak?

Munduan, 360 milioi gor inguru daude. Horietatik 70 milioi inguruk dakite keinu hizkuntzaren bat, baina, guztira, hiztun gehiago izango gara. Gorrak izan gabe keinu hizkuntzaren bat dakigunak ere bagaude.

Beraz, keinu hizkuntza desberdinak daude.

Keinu hizkuntza desberdin asko daude. Normalean, herrialdeko keinu hizkuntza bat edo bi egoten dira. Espainiako Estatuan, esaterako, bi keinu hizkuntza dira ofizial.

Zer dela-eta ez dago keinu hizkuntza bateratu bat?

Hizkuntzak beharren arabera sortzen dira. Espainian keinu hizkuntza katalana eta espainiarra daude.

Euskarak ez du keinu hizkuntzarik?

Ez da egokia euskarak keinu hizkuntza duen edo ez esatea. Keinu hizkuntzek harremana izaten dute inguruko ahozko hizkuntzekin, baina ez dira haien barruan sortzen. Adibidez, Hego Amerika guztian gaztelaniaz hitz egiten dute, baina herrialde bakoitzak bere keinu hizkuntza du.

Keinu hizkuntzak badu arautegirik?

Hizkuntza batek izan behar dituen ezaugarri guztiak ditu. Ez da mimika, ez da antzerkia; hizkuntza bat da, eta hala dago onartua.

Zer estatus du keinu hizkuntzak?

Espainiako Estatuan 2007tik da hizkuntza ofiziala. Baina, oraindik ere, nahiz eta legeak hala jaso, errealitatean ez zaio ematen behar duen lekua. Pixkanaka pauso txikiak ematen ari gara, baina hamar urte pasatu dira, eta oraindik ere lan asko dago egiteko.

Arreta guneak keinuen hizkuntzan artatzeko prest daude?

Gabezia handiak daude. Txalotu behar dira inguruan egiten diren ahalegin txikiak, baina ez dira nahikoak. Inondik inora. Gasteizko Udalak edo Osakidetzak antolatu izan dituzte langileentzako formakuntza saioak, baina motzak izaten dira. Segidarik izaten ez dutenez, erdizka gelditzen dira, eta ahaztu egiten da azkenerako.

Gaur egun non ikas daiteke keinu hizkuntza?

Gorren elkarteetan irakasten dugu keinu hizkuntza. Horrez gain, interpretazioaren inguruko goi mailako ziklo bat zegoen unibertsitatean, orain gutxira arte. Orain, bitartekaritza ziklo bat bihurtu da.

Eskoletan keinu hizkuntza irakatsi beharko litzatekeela uste duzu?

Hizkuntza ofiziala den heinean eta gure gizartean keinu hizkuntza darabilten pertsonak egonda, denok jakin beharko genuke keinu hizkuntza. Hala, guztiok izango genuke edozein egoeratan eta edozein pertsonarekin komunikatzeko eskubidea eta aukera.

Nolakoa da ikaste prozesua?

Edozein hizkuntza ikasteko prozesu bera da, baina kanala aldatzen da: ahozkoa izan beharrean, ikusmenaren eta keinuen bidez. Horregatik, arreta handiagoa eskatzen du, belarriak beti daudelako zabalik, baina begiak nahita bideratu behar dituzu keinuetara. Oroimen bisuala ere asko lantzen da. Agian, hori da gehien kostatzen dena, ez gaudelako horretara ohituta.

Gizakiak estimu berezia izaten dio norbere hizkuntzari. Gor-mutuek ere berea sentitzen dute keinu hizkuntza?

Asko dira gor sentitzen direnak eta identitate horrekin harro daudenak. Beren hizkuntza oso estimu handitan daukate horiek, eta asko maite dute keinu hizkuntza. Normaltasunaren alde lan handia egiten dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Larry King telebista aurkezle eta irrati esataria ©

Larry King irrati esatari eta telebista aurkezlea hil da

Uxue Gutierrez Lorenzo

Los Angeleseko Cedar Sinai Medical Center ospitalean zendu da, 87 urterekin. 'Larry King Night' gaueko irrati saioak egin zuen ezagun.

Lanaren aurkezpen ekitaldia. ©@bizipoza_org

'Mundu berri bat guztiontzat' lana aurkeztu du Bizipozak

Berria

Hamabi abestiz eta 11 ikus-entzunekoz osatutako lan bat da, eta Bizipoza osatzen duten elkarteen errealitatea erakustea du helburu.

Angel Azkorbebeitia artzaina, bere Abadiñoko baserrian, Gorbeiako euskal artzain txakurra ondoan duela. ©ANDONI CANELLADA / FOKU

Euskal arraza, galzorian

Jone Arruabarrena

Euskal Artzain Txakurraren Adiskideak elkarteak bultzatuta, EHUko Biomics ikerketa taldeak egin duen azterlanean ondorioztatu dute euskal artzain txakurra egoera larrian dagoela. Endogamia handia dauka arraza horrek, eta gaur egun 470 banako daude erregistratuta. Nazioartera jauzi egin du ikerketak orain.

 ©JAGOBA MANTEROLA / FOKU

«Denek gaizki pasatuko genuke zortzikoa jo eta ezin dantzatuta»

Iker Tubia

Irakaslea eta abeslaria da Onsalo, eta musika beti du erdigunean. Erromeria taldea izanik, egoerara moldatu behar izan dute, baina ez da hain txarra izan 2020a: «Urtea gazi hasi zen, baina goxo akitu da».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Kerman Garralda Zubimendi

Informazio osagarria