EGITARAUA

Mendi martxa, hausnarketa politikoak eta aisialdia uztartuko dituzte gazteek hiru eguneko martxan:

Apirilak 3, ostirala

Lekunberrin: Harrera ekitaldiarekin hasiko da martxa, 10:00etan.

Irurtzunen: Hitzaldiak eta tailerrak arratsaldean: Independentziaren inguruko mahai ingurua nazioarteko ordezkaritzekin; Euskal Herriko prozesu eratzailearen eta autogestioaren inguruko hitzaldia; eta xamurtasun tailerra. Ondoren, Uluka taldearen kontzertua, bertso olinpiadak eta gazte taldeen kontzertu maratoia.

Apirilak 4, larunbata

Berriozarren: Martxa amaitu eta kanpin dendak jarri ondoren, 19:30ean, ekitaldi nagusia. Ondoren, kontzertuak: Skakeitan, Oliba Gorriak, Kop, Raperos de Emaus & Zero Koma Backing Band, Mandoilek, eta gero, erromeria.

Apirilak 5, igandea

Iruñera. Dendak bildu, eta kalejiran joango dira Iruñera, Independentistak sareak antolatu duen Aberri Eguneko manifestaziora.