Don Celes pertsonaiaren komiki tira prentsarako 75 urtez egunero marraztu zuen marrazkilaria hil da, 99 urte zituela. Luis del Olmok (Bilbo, 1922) sortu zuen Don Celes pertsonaia, eta La Gaceta del Norte egunkarian hasi zen komiki tira argitaratzen, 1945. urtean. Handik 24 urtera, 1969an, Bizkaiko El Correo egunkarira pasatu zen Don Celes —Vocento komunikazio taldeko beste egunkari batzuetan ere argitaratu izan dute urteotan, tartean Gipuzkoako El Diario Vasco-n—.
Pertsonaiaren tira kopuru zehatza jakitea zaila den arren, El Correo-k argitaratu du 25.000 izan direla Don Celes Carovius pertsonaiaren tirak; finkoa izan den beste pertsonaia bakarra haren emaztea da: Petronila Pilonga.
2012an, Bilboko Udalak Bilboko Ospetsua saria eman zion Del Olmori. Alacanteko Unibertsitateak (Herrialde Katalanak) beste sari bat eman zion, 2010ean.
Luis del Olmo hil da, Don Celes 75 urtez marraztu zuen marrazkilaria
Iruzkinak
Ez dago iruzkinik
Ordenatu