Minbiziaren Ikerketarako Nazioarteko Agentziak gai kantzerigenoak sailkatzen ditu, aipatu gaitza eragiteko gaitasunaren arabera. Hau da, gaiaren eta minbiziaren arteko harremana oinarri hartuta, lau multzo bereizten ditu. Lehen biek dute egiaztapen maila handiena.
1 Taldea
Definizioa. Egiaztatua dago gaiarekin harremanetan egoteak minbizia sor dezaketen egoerak ahalbidetzen dituela.
Haragi prozesatua. Haragi eraldatua —gazitua, ondua, hartzitua, ketua...—, edota zaporea hobetzeko eta gehiago iraunarazteko eraldatua: txarkuteria, haragia oinarri duten saltsak...
Taldean dauden beste gaiak. Tabakoa, antisorgailu hormonal konbinatuak, edari alkoholdunak, amiantoa, lindanoa...
2A Taldea
Definizioa. Gizakiengan egindako ikerketen datuak mugatuak direnean, baina animaliengan egindako ikerketetan nahikoa datu dagoenean.
Haragi gorriak. Ugaztunen gihar-haragi oro da haragi gorria: behia, behorra, txerria, arkumea, zaldia, ahuntza...
Taldean dauden beste gaiak. Diesel erregaiaren kea, DDTa...
2B Taldea
Definizioa. Gizakiengan egindako ikerketen datuak mugatuak direnean, eta ez dagoenean nahikoa datu animalietan egindako ikerketetan.
Taldean dauden gaiak. Gasolina kea, beruna...
IARC SAILKAPENA
Iruzkinak
Ez dago iruzkinik
Ordenatu