Albistea entzun

EITBren elkartasun maratoiaren ardatza koronabirusa izango da

Abenduaren 17a izango da maratoiaren egun handia. Jasotako dirua ikerketara bideratuko dute
Gotzone Sagardui Jaurlaritzako Osasun sailburua eta Maite Iturbe EITBko zuzendari nagusia, atzo, Bilbon.
Gotzone Sagardui Jaurlaritzako Osasun sailburua eta Maite Iturbe EITBko zuzendari nagusia, atzo, Bilbon. EITB Tamaina handiagoan ikusi

Urtzi Urkizu -

2020ko urriak 1

Koronabirusak herritar guztiei eragiten diela ohartarazteko, kanpaina bat jarriko du martxan EITBk. Hartara, aurtengo elkartasun maratoia COVID-19aren bueltan antolatu dute. Ikerketak laguntzeko, dohaintzak egitera animatuko dituzte herritarrak; eta, bestetik, gaixotasunaz sentsibilizatu eta informazioa emango dute EITBko hedabideek.

2020ko EITB Maratoiaren helburua gizartera hurbiltzea izango da, Maite Iturbe taldeko zuzendari nagusiak azaldu duenez: «Badator apurka-apurka EITB Maratoia. Aurten dena da desberdin, baina gizarteari ate joka gatoz, aurtengo gaiak, koronabirusak, guztioi eragiten digula ohartarazteko, eta kanpainan parte hartzea inoiz baino garrantzitsuagoa dela azaltzeko».

Iaz, 20. urtemuga bete zuen EITBren maratoiak. Euskal gizartera zabaldutako egitasmo bilakatu zen: haurren minbizia gai hartuta, inoizko erantzunik onena izan zuen kanpainak. EITB Maratoiak marka guztiak hautsi zituen, milioi bat euro baino gehiago bilduz. Bestetik, Euskal Herriko txoko guztietatik 50.000 ahotsek baino gehiagok Lau teilatu abestu zuten: Zure Bertsiorik onena egitasmoan 1.500 bideo baino gehiago jaso zituzten.

Iturbek espero du aurtengo aldian ere euskal gizarteak erantzungo duela: «Eskuzabal, dirua emanez; eta zuhur eta zintzo, norbera eta ingurukoak zaintzeko betetzeko ezinbestekoak diren aholkuei jarraituz». Elkartasun kanpainaren bi ildo horiek inoiz baino gehiago izango dute indarra.

Gotzone Sagardui Eusko Jaurlaritzako Osasun sailburuak maratoiaren aurkezpenean azaldu duenez, EITB Maratoiaren historian zehar, euskal herritarren elkartasunari esker, 4,5 milioi euro inguru erabili dira 90 ikerketa proiektutan. Aurten, maratoia koronabirusean ardaztuko da, eta sailburuak espero du jada martxan dauden COVID-19ari lotutako 80 proiekturi baliabide gehiago gehitu ahal izatea. «Gaur egun, gaixotasunaren azterketa klinikoan ez ezik, martxan dauden proiektuak gaixotasunaren egoera eta konplikazioetan, birusaren karakterizazio biologikoan eta gizartean izaten ari den inpaktuan oinarritzen dira».

Bertso berezi bat

Era berean, hainbat gizarte eragileren laguntzaz abian jarriko dituzten egitasmoak prestatzen dabil EITB: «Lau Teilatu-ren antzeko egitasmo bat izango dugu, mundu guztiak parte har dezan eta identifikatuta senti dadin». Hala iragarri du Iturbek: «Euskal gizarte osoaren sentimendua Euskadin bakarrik egin daitekeen modu batean adierazi nahi dugu: guztiok batzen gaituen bertso baten bidez». Maratoiaren egun handia abenduaren 17a izango da; egun horretan, dohaintzak hartzeko telefonoan pertsona ezagun andana izango da egun osoan zehar. Horrez gain, EITBko kanal guztiek maratoiari arreta berezia eskainiko diote, urteroko moduan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©LUIS TEJIDO / EFE
San Mames estadio paretik hasi eta udaletxean bukatu zen manifestazioa. Hiru ilara osatu zituzten manifestariek, distantziak gordetzeko. ©MARISOL RAMIREZ / FOKU

Futbolak eragindako oihuak

Amaia Igartua Aristondo

Bilbo 2021eko Eurokopako egoitzetako bat izango den erabakiko du UEFAk apirilaren 19an. Hala izan ez dadin eskatu dute Bilbon, 'Eurokopa honi ez' plataformak antolatutako manifestazioan.

<em>Orria</em> euskarazko astekaria 1983ko uztailaren 23an argitaratu zuen lehen aldiz <em>La voz de Euskadi</em>-k. ©BERRIA

Euskarazko kazeta bat ere nahi zuen Pepe Reik

Urtzi Urkizu

Pepe Reik eta beste kazetari batzuek 'La voz de Euskadi' egunkaria jarri zuten martxan 1983an. Euskarazko egunkari bat ere sortu nahi zuen Reik; 'Orria' gehigarria egin zuten bost hilabetez, Mikel Aramendi buru.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.