Korrika txikiak, bidea zabaltzeko

Gaur abiatuko da Korrika, Urepeletik (Nafarroa Beherea), baina hamaika ekitaldi izan dira haren inguruan azken asteotan. Tartean, Korrikaren unitate didaktikoak lantzearekin batera, Korrika txikiak egin dituzte ikastetxeetan —irudian, atzo Donostiako Añorga auzoko Amasorrain ikastolan egindakoa—.Kultur ekitaldiak ere izan dira Korrikaren hasieraren bezperan: musika emanaldiak Baionan, Ermuan (Bizkaia) eta Zarautzen (Gipuzkoa); mintza-poteoa Iruñean, bertsolariak Villabonan (Gipuzkoa) eta Itzubaltzetan (Getxo, Bizkaia)...