Noiz sortua: 2020-01-11 00:30:00

ARDOXKA

Tradizioa bai... berritasunak ere bai

Roberto Sarriugarte -

2020ko urtarrilak 11
Maria Rigol Ordiren familiak tradizio handia izan zuen cavaren munduan. Horregatik, 1980ko hamarkada hasieran, bere cava propioak egiten hastea erabaki zuen, hainbeste sumatzen zuen haien falta...

Modest Rigol Tubella, Mariaren aitonak, ardoak merkaturatzen egiten zuen lan, eta, 1897an, artean xanpaina deitzen zen ardoa egiten hasi zen. Etxeko upategian hasi zen, Sant Sadurni d'Anoia (Katalunia) herriaren bihotzean, Francesc Maniobens Rigol semearekin. Hasieran egiten zuten ekoizpena oso txikia zen.

Esan daiteke, beraz, gaur egungo cavak familiaren oinordetzaren eta kalitatezko produktuak egiteko borondatearen isla direla. Penedesen ohikoak diren nahasteak dituzte (mcabaeu, xarel.lo eta parellada) eta ontze luzekoak dira, gainera.

Egiten dituzten cava guztiak lehen zapalduko muztioarekin egindako ardoekin egiten dituzte, oso egokiak izaten baitira ontze luzeko ardoak egiteko.

Mahastian ematen diren ziklo guztietan erne egoten dira, eta oinarrizko ardoa lortzeko prozesu guztia oso kontrolpean izaten dute, badakitelako hori dela kalitatea bermatzeko modu bakarra. Ia Penedes osoko mahastizainen mahatsak aukeratzen dituzte, eta horrek aukera paregabea ematen die inguru bakan horretako ardoek —cavek batez ere— eskaintzen duten izaera eta aberastasuna erakusteko.

Nahiz eta mahats mota autoktonoekin lan egin, proiektu berri bati ekin zioten 2013an, haiek microtiratge deitzen dutena: hau da, ekoizpen txikiko cava esperimentalak, monobarietalak zein mahats mota berriekin eginiko nahaste edo copage-ak, ardo bakanak eta bereziak lortzeko. Baina proiektu berri horrek ez dakar ardoztatzean aldaketarik, metodo klasikoak, betikoak mantentzen dituzte: hau da, eskuz eginiko irabiatze edo eragitea, eskuz eginiko lepo moztea eta, batez ere, ardoari bere denbora ematea.

Klasikoen artean bost ardo egiten dituzte, denak brut nature: lau zuri eta bat gorria, pinot noir mahatsez egina. Bostetatik Mil.leni, (mahats klasikoak erabiliz, baina chardonnayaren ukituarekin) eta Rosat Reserva (pinot noir mahatsez egindakoa) nabarmenduko nituzke.

Microtiratge proiektuan lau ardo egiten dituzte: bi monobarietalak dira, Xarel.lo eta Macabeu; eta beste bi nahasteak dira, Vint Mesos eta Pell Bruna. Laurak dira zuriak, Pell Brunaren osagai nagusi garnatxa beltza bada ere.

Azken lau horietatik Xarel.lo monobarietala eta Pell Bruna nabarmenduko nituzke. Xarel.lo horretan aberastasun aromatikoa azpimarratuko nuke, fruta zuriak eta ke ukituak ematen dion dotoreziarekin.

Pell Bruna desberdina da, ordea. Garnatxaren gozotasun bikaina eta macabeu mahatsak gehitzen dion azidotasuna eta ematen dion oreka dira, nire ustez, ardo hau bikain bilakatzen dutenak.

Albiste gehiago

Martxoaren 30ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.225 gaixok eman dute positibo koronabirusaren proba eginda, administrazioen arabera. 400 hil dira. COVID-19 gaitza izandako 1.807 pertsonari eman diete alta. Grafikoak, albiste barruan.

Sidenor enpresako langileak jarduera eteteko eskatzen, aurreko astean. ©MARISOL RAMIREZ / FOKU

Jaurlaritzak dekretuaren letra txikiari heldu nahi dio gutxieneko jarduera bati eusteko

Xabier Martin

Madrilen azalpen gehiagoren zain dago, baimena nahi duelako enpresei isunik jar ez diezaieten

Iruñeko kaleak, hutsik. ©Iñigo Uriz / Foku

Kutsatzeko kezka dute Araba, Bizkai eta Gipuzkoako biztanleen bi herenek

Berria

Espainiako Gobernuak atzo onartutako dekretua indarrean da, eta funtsezkoak ez diren jardueretan aritzen diren langileek etxean geratu beharko dute gaurtik aurrera. Urkullu ez dator bat neurri horrekin, ezta patronala ere. Txibitek, Europara begira, Sanchez babestu du, eta onartu du egoera «oso konplexua» dela, baina hobe litzatekeela jarduera ekonomikoa ez geratzea eta erabaki hori malgutzea.

Ospitale bateko larrialdietako sarrera ©Jon Urbe / Foku

Koronabirusa zuten 400 pertsona hil dira Euskal Herrian, eta 8.225 pertsona kutsatu

Irati Urdalleta Lete

50 pertsona hil dira atzotik, eta 452 pertsona gehiagori atzeman diete birusa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna