Albistea entzun

Aldarria munduko txapelketan

ESAITek dio lehiaketa aukera «paregabea» dela ofizialtasunaren aldeko aldarrikapena egiteko
Barakaldoko BECeko kantxa (Bizkaia) prest dago bihar bertan munduko txapelketa has dadin.
Barakaldoko BECeko kantxa (Bizkaia) prest dago bihar bertan munduko txapelketa has dadin. LUIS TEJIDO / EFE

Ainhoa Zabarte -

2014ko abuztuak 29 - Bilbo

Bihar hasiko da Munduko Saskibaloi Txapelketa, eta irailaren 4 arte iraungo du. BECen jokatuko dira C multzoko partidak (Barakaldo, Bizkaia), eta Bilbon izango dute egoitza txapelketa jokatzera datozen saskibaloi jokalariek eta txapelketa ikustera etorriko diren milaka zaleek ere. Horregatik uste du ESAIT Euskal Selekzioaren Aldeko Iritzi Taldeak «aukera paregabea» dela Euskal Selekzioaren ofizialtasunaren alde lan egiteko.

Egoitz Askasibar ESAITeko kideak, taldeak atzo egindako agerraldian, gogoratu zuen inoiz ez dutela esan txapelketaren egoitza Bilbo ez izatea. Hori bai, testuinguru «berezian» jokatuko dela azpimarratu zuen: «Norbere selekzioa ukatua den lurralde batean izango da txapelketa». Ekitaldi hau euskal selekzioaren «bazterketa saihesteko baliatu» behar dela adierazi zuen.

«Aukera» aprobetxatzeko bide ugariak zeintzuk diren azaldu zuen: kirol aldetik, bertako kirolariak «prest» daudela erakustea; arlo politiko eta instituzionaletik, ofizialtasunaren gaia jorratzeko «beharra» plazaratzea; eta, azkenik, gizarteari dagokionez, jarduera ugari antolatuz eta parte hartuz komunikabideen eta munduaren aurrean ikusaraztea.

Egitasmo ugari

Selekzioen alde lan egiten duen jendea badagoela agerian uzteko «aukera ezin hobea» dela nabarmendu zuen. Horrela, dei egin die saskibaloi partidak ikustera etorriko diren guztiei Euskal Herriko ikurrina eta nazio gisa «ezaugarri» diren ikurrak eramateko. «Ikurrak eraman eta agerian utzi behar dugu selekzio propioa nahi duen herria garela eta bertan gaudela».

Askasibarrek jakinarazi du ESAITek ikurrak erakusteaz gain «bere gaitasunen araberako» jarduerak egingo dituela. Horrenbestez, 3x3 modalitateko nazioarteko txapelketa antolatzeko asmoa dute, non ez den inongo naziotasunik baztertuko, Barakaldon «ez bezala». Txapelketa aurrera eraman ahal izateko toki publikoa ukatu diete ESAITekoei. «Hauteskunde kanpainan selekzioaren ofizialtasunaren alde egin duten horiek ukatu egin dute gure nazioa baztertua izango ez den txapelketa antolatzeko espazio publikoa», salatu zuen ESAITeko kideak. Azpimarratu zuen euskal selekzioa «baztertzen dutenak laguntzen» eta beren «mesedetan» aritzen direla bitartean. Hala ere, «oztopoak oztopo», 3x3 modalitateko nazioarteko saskibaloi txapelketa antolatuko dute. Datorren irailaren 7an izango da txapelketa, igandean, eta aurrerago emango dute ekitaldi horren berri.

Munduko saskibaloi txapelketan, ekitaldi gehiago izango dira ESAITek antolatutakoez gain. EH Bilduk hiru elkarretaratze antolatu ditu BEC pabiloiaren aurrean: datozen larunbatean eta igandean, arratsaldeko zortzietan; eta datorren asteartean, irailaren 2an, arratsaldeko lauretan. AEBen partidak hasi baino ordu eta erdi lehenago izango dira. Freedom for the Basque Country lelopean egingo dituzte elkarretaratzeak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BENFICA

«Asko ikasi dut hilabete hauetan, halako heldutasun bat nabari dut»

Iñaki Berastegi

Benfica taldean eta Lisboa hirian «gustura» dago Ander Izquierdo: «Beste esperientzia bat bizi nahi nuen». Sasoia min hartuta hasi ostean, «pixkanaka» tokia egin du taldean.
Fem van Empel eta Mathieu van der Poel, garaipena ospatzen, Munduko Txapelketan. ©UCI-BAS CZERWINSKI / EFE

Etxean bezala, inon ez

Eñaut Agirrebengoa

Fem van Empelek eta Mathieu van der Poelek ziklo-kroseko Munduko Txapelketa irabazi dute, etxeko zaleen gozamenerako; aurrenekoz gailendu da Van Empel, eta bosgarrenez Van der Poel.
Eskalatzaile bat, aldapan gora, pioletak eta kranpoiak lagun dituela. ©XABIER MUJIKA

Iraule: Nardasakon kanala

Xabier Mujika

Aizkorriko kanalen artean, Nardasakon da errazenetako bat. Aproposa da pioletekin eta kranpoiekin hasiberriak direnentzat.
Haur bat eskalatzen, atzean laguntza daukala, Donostiako The Factory Boulderren. ©MAIALEN ANDRES / FOKU

Modaren sokatik zintzilik

Beñat Mujika Telleria

Azken urteetan gorakada nabarmena izan du rokodromoko eskaladak. Garai batean mendira eskalatzera joaten zirenak noiznahi presta zitezen sortu ziren, baina, gaur egun, geroz eta bereiziago daude bata bestetik. Kirol osoa da, mugimendu asko lantzeko aukera ematen baitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...