Noiz sortua: 2018-08-17 00:30:00

Oiartzabal fitxatzeko eskaintzarik egin izana ukatu du Urrutiak

Athleticeko presidentearen arabera, ez zuen pausorik eman jokalaria lortzeko, ezta Merino ekartzeko ere. Ez du ulertu Keparen erabakia: «Athleticzaleontzat hau da munduko talderik onena»
Josu Urrutia Athleticeko presidentea, atzo San Mamesen eginiko prentsaurrekoan.
Josu Urrutia Athleticeko presidentea, atzo San Mamesen eginiko prentsaurrekoan. MIGUEL TOÑA /. EFE Tamaina handiagoan ikusi

Imanol Magro Eizmendi -

2018ko abuztuak 17

«Ez. Ezetz esango nuke, argi eta garbi. Athleticek ez du inolako pausorik eman». Horrela erantzun zuen Josu Urrutia Athleticeko presidenteak, Mikel Oiartzabal Realeko jokalariari eskaintzarik egin al dion galdetu ziotenean. Azken asteetan euskal futbolaren gainean ibili den zalantzaren inguruan mintzatu zen Ibaiganeko burua. Gaztelaniaz, gaineratu zuen «eskaintza zehatzik» ez zela egon, ezta Mikel Merinorengatik ere. Baina hori aurretik esana zuen. Kepa Arrizabalagari buruz ere mintzatu zen, eta adierazi zuen ez duela ulertzen atezainaren erabakia.

Azken asteak zalapartatsuak izan dira Athleticen inguruan. Albiste eta zurrumurru askok zipriztindu dute, eta Josu Urrutia bere azalpenak emateko asmoz irten zen plazara. Bazekien Oiartzabalen inguruan galdetuko ziotela, eta ondo prestatua zeraman erantzuna. Eskaintzarena ukatzeaz gain, nabarmendu zuen bere merkatuari gertutik erreparatzea dela Athleticen beharra, baina hortik aurrera ez duela eman pauso gehiagorik. Herenegun Mikel Oiartzabalek berak ere ez zuen baieztatu eskaintzarik jaso zuenik. Ulertzera emanikoak ez dira nahikoa negoziazio seriorik egon den ala ez baieztatzeko.

Erdilari eibartarrak 50 milioi euroko etete klausula zuen kontratua berritu aurretik, eta 60koa, berriz, eskaintza Athleticena bazen. Horren inguruan galdetuta, Urrutiak putzua ez zapaltzea erabaki zuen. «Realak jakingo du zer egiten duen. Nahikoa dugu gurearekin, beste talde batzuek egiten dutenarengatik arduratzeko. Realak egiten duen horretan indarrak galtzea ez da gure ardura, eta ez garamatza inora».

Oiartzabali buruzko zurrumurrua Kepa Arrizabalagak klausula ordaindu izanaren ondorio izan zen, eta mugimendu hori, Urrutiaren ustez, «ulertezina» da. «Athleticzale garenontzat Athletic da munduko talderik onena, eta, horregatik, zaila da ulertzen». Urrutiak klubeko langile baten bitartez izan zuen eskaintzaren berri, eta Keparekin urtarrilean gertaturikoaren «filma errepasatu» beharko litzakeela esan zuen. Garai hartan Real Madrildik gertu egon zen, eta Bilboko taldeak, ondoren, atezainaren soldata hobetu eta etete klausula laukoiztu zion. Kepak, berriz, nahi zuen tokian zegoela esan zuen. Urrutiak, atzo, esan zuen agerian gelditu dela «jende asko», baita haien «benetako interesak» zeintzuk ziren ere.

Remiro eta Muniain

Merkatua, baina, Kepa eta Oiartzabalengandik haratago doa, eta Athletic hasia da Iker Muniain eta Alex Remirorekin hizketan. Biei ekainean bukatzen zaie kontratua, eta bien egoera aztertu zuen. «Muniainek bi lesio larri izan ditu azken hiru urteetan, eta azken hilabeteetan lasai utzi dugu, bere berrindartze prozesua lehenetsi zezan. Remiro, aldiz, oraindik zer erakutsia duen jokalari bat da. Sasoi ona egin du Bigarren Mailan, eta orain hasieratik aritzeko aukera du, baina haren egoera ez da aldatu». Era berean, eta merkatu kontuekin bukatuz, zehaztu zuen Ander Herrerarekin ere ez direla saiatu.

Urrutia bere legegintzaldiaren azken urtean sartuta dago, eta, esan zuenez, ez du asmorik hauteskundeak aurreratzeko. Beraz, 2019an izango dira, eta ez zuen argitu aurkeztuko den. «Ikusiko dugu berriz aurkeztuko garen. Batzorde hau 2011n iritsi zenean baino helduagoa da orain. Urte asko dira egungoa bezalako egoera onik ez zegoela Athleticen. Europako talde onenak guregana jokalari bila etortzea gauzak ondo egiten ari diren seinale da». Presidenteak beste gai batzuk ere jorratu zituen. Esaterako, esan zuen bazkide guztien ardura dela San Mameseko giroa berotzea, eta astelehen askotan jokatu behar izatea telebistek pagatzen duten dirutzaren ordaina dela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna