Frantziako Tourra

Lasaitasuna eta lasaikeria atseden ostean

Kamnak irabazi du Tourreko 16. etapa, ihesean erakustaldia eginda. Faboritoen artean ferekak baino ez dira izan. Gaur sua pitz daiteke, Madeleinen eta Lozen gora
Lennard Kamna, pozik, atzo lortutako garaipena ospatzen.
Lennard Kamna, pozik, atzo lortutako garaipena ospatzen. STUART FRANKLIN / EFE Tamaina handiagoan ikusi

Eñaut Agirrebengoa -

2020ko irailak 16

Behin eta berriro saiatzeak badu saria. Galde diezaietela, bestela, Lennard Kamnari eta Bora Hansgrohe taldeari. Peter Sagan eta Emanuel Buchmann liderrak ezinean dabiltzanez, taldeko ehiztariak jo eta su aritu dira etapen bat lortu nahian. Kamna, adibidez, bigarren izan zen 13. etapan; eta atzo, garaipen preziatua eskuratu zuen azkenean. Ihesaldiko indartsuena izan zen, eta argiena ere bai, behar zenean eta behar zen moduan jo zuelako eraso erabakigarria: Moucherotte (11,1 kilometro eta %6,5ko pendiza) gainean, Richard Carapazek (Ineos) gutxien espero zuenean. Ekuadortarra atzean utzi, eta dotore egin zituen helmugara arteko hogei kilometroak. Hala, lasaitu ederra eman zion Borari.

Onenen artean, berriz, lasaikeria izan zen. Fereka batzuk baino ez ziren izan, eta oso bukaeran. Lehiaz mozorrotutako atseden eguna izan zen, ia hamazazpi minutuko atzerapenarekin sartu baitziren helmugan. Egunpasa ibili ziren, datorkienari begira indarrak gordetzen. Bederen, Tadej Pogacarrek (UAE) ahalegin arin bat egin zuen Villard de Lansen (2,2 kilometro eta %7,9). Primoz Roglic (Jumbo Visma) atzean uzten saiatu zen, eta azken metroetan, Miguel Angel Lopezek (Astana) hartu zion lekukoa. Haatik, batera helmugaratu ziren hautagai guztiak, Nairo Quintana (Arkea) izan ezik. Kolonbiarrak beste 35 segundo galdu zituen. Egan Bernal (Ineos), berriz, esprinterrekin batera iritsi zen helmugara. Minez gelditu zen atzean, baina nahita agian ere bai, datozen egunetan indar eta askatasun handiagoz aritu ahal izateko.

Irribarrez hasi zuten ziklistek etapa, PCR proba denek gainditu baitzuten. Saialdi askoren ondotik, hamabost kideko multzoa osatu zen aurrean. Kamna eta Carapazez gain, bertan sartu ziren Julian Alaphilippe (Deceuninck), Andrey Amador (Ineos), Warren Barguil (Arkea) eta Imanol Erbiti (Movistar). Saganek (Bora) ere bazuen aurrera egiteko burutapena, maillot berdearen lehiari begira, baina Sam Bennettek (Deceuninck) ez zion irteten utzi. Beste zortzi ziklistak, ordea, lortu zuten aurreko taldearekin bat egitea. Pierre Rolland (Vital Concept) izan zen horietako bat, eta, geroago, besteak beste, Mikel Nieve (Mitchelton), Romain Sicard (Total Direct) eta Pavel Sivakov (Ineos) iritsi ziren.

Mendateak igaro ahala, hamar minututik gorako aldea hartu zuen ihesaldiak. Jumbo Vismak ez zuen jazarpenean erretzeko inongo asmorik. Aurrean, Borak hartu zuen Kamnaren aukerak jorratzeko ardura. Rolland mugitu egin zen bigarren mailako Porte (7,4 kilometro eta %6,8ko pendiza) eta Revelen (6 kilometro eta %8), mendiko puntuak hartu, eta bide batez, taldea xehatzen hasteko. Alabaina, bat eginda jarraitu zuten iheslariek, eta Moucherotteko igoerari begira jarri ziren. Lehen mailako mendatea zen, eta helmugatik 33 kilometrora hasi behar ziren igotzen.

Lehenik eutsi, gero hautsi

Bada, Quentin Pacher (Vital Concept) iritsi zen buruan, minutu erdiko aldearekin, mendatearen aurreko sasi-ordekan mugitu eta gero. Ineosek ez zuen ezusterik nahi, eta ekimena hartu zuen igoeran. Estutu egin zuen Amadorrek, eta horrek sufriarazi egin zituen hainbat txirrindulari. Nievek, kasurako, ezin izan zuen galbahea gainditu. Sicard eta Erbiti ere atzean gelditu ziren. Taldekidearen lanari jarraipena eman zion Carapazek, eta harekin batera Kamnak, Alaphilippek eta Sebastian Reichenbachek (Groupama) egin zuten aurrera. Gainetik 4,5 kilometrora harrapatu zuten Pacher. Tropelean, berriz, ahalegin hutsala egin zuen Guillaume Martinek (Cofidis). Beste inor ez zen atera Jumbok gidatutako multzoaren abarotik.

Carapazek ahaleginak eta bi egin zituen Alaphilippe atzean uzteko. Eta lortu zuen, baina beste aurkari gaizto bat itsasi zitzaion gurpilera. Kamnak tinko eutsi zien Ineosekoaren astinduei, eta gainetik 300 metrora errematatu zuen. Abila da erlojuaren kontra, eta dohainak tartea zabaltzeko baliatu zituen. Helmugan, 1.27 atera zion Carapazi, eta 1.56 Reichenbachi. Erbiti izan zen euskal herritar onena atzo: 15. sartu zen, 6.11ra.

Etapa gogorra da gaurkoa. Alpeetako bi koloso igoko dituzte: Madeleine (17,1 kilometro eta %8,4) eta Loze (21,5 kilometro eta %7,8). Roglic iritsiko da lider, Pogacar 40 segundora duela. Mikel Landa (Bahrain) podiumera gerturatzen saiatuko da. Murgiarra zazpigarren dago.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Herritar batzuk kalean maskara jantzita, Frantzian. ©CAROLINE BLUMBERG / EFE

Birusaren bigarren oldarraldia

Jone Bastida Alzuru

Kasuek ugaritzen jarraitzen dute munduan, eta hainbat herrialdek neurriak zorrozteko erabakia hartu dute. Israelek joan den ostiralean indarrean sartutako itxialdia gogortu du

Langile batzuk kaleak desinfektatzen, atzo, Azkoienen (Nafarroa). ©Idoia Zabaleta / Foku

Bigarren egunez, 800 kasu baino gehiago atzeman dituzte Hegoaldean

Uxue Rey Gorraiz

Osakidetzak jakinarazi du 9 urteko ume bat hil dela, birusa izanda. Positiboek gora egin dute Araba, Bizkai eta Gipuzkoan; Nafarroan, ez

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna