Noiz sortua: 2020-06-30 00:30:00

EKOGRAFIAK

Eurovision gabeko urtea?

Mikel Alvarez -

2020ko ekainak 30

Ez dut sekula oso ondo ulertu Eurovision abesti lehiaketaren arrakasta. Beti pentsatu izan dut txantxarako gehiago ematen duela gozamenerako baino, eta agian, hortxe du bere erakargarritasuna. Kontua da jende askorentzat erlijio dela ia, nahiz eta urtean behin mezara joatea besterik ez eskatu.

Kontuak kontu, jarraitzaile sutsu horiek guztiak, gurean ere badira, uste duzuen baino gehiago, jaialdia jarraitu gabe geratu dira aurtengoan, COVID-19aren krisiak, gainontzeko guztia bezala, bertan behera utzi baitzuen Herbehereetan ospatu behar zen ekitaldia.

Zale horiek guztiek maiatz honetan sentitutako umezurztasuna baretzeko balio izan du, ordea, Netflixek kantu lehiaketaren inguruan ekoiztutako fikziozko filmak: Eurovision Song Contest: The Story of Fire Saga. Pentsatu liteke 2020ko jaialdiak utzitako hutsunea bete nahian ekoiztutako filma dela, baina ez. Jaialdiarekin batera estreinatzeko asmoz sortu zen proiektua, azken urteetan AEBetan jaialdia lortzen ari zen arrakasta indartu eta putzuaren beste aldean, Australian gertatzen den bezala, fenomeno bilakatu zedin. Nork daki, agian, Australian bezalaxe, AEBak gonbidatzen amaituko dute Israel ere partaide moduan duen eta Europa izenean daraman jaialdira.

Will Ferrell erraldoia jarri zuten proiektuaren buru, eta erraldoia diodanean, bere altueraz ari naiz, metro eta laurogeita bat neurtzen baitu kaliforniarrak. Bai, gorroto dut Ferrell, bere kuadrillako Sandler, Rogen edo beste edozein kide bezainbeste. Ez didate batere graziarik egiten, eta hori gutxi balitz bezala, egiten duten gauza bakoitzean beraien buruaz duten irudia erabat puztua delakoan naiz. Baina tira, zinemetako txartel leihatilek arrazoia ematen diete behin eta berriz; beraz, isildu egingo naiz hobeto.

Ferrell eta Rachel McAdamsek gorpuzten dituzte Fire Saga musika taldeko kide diren Lars eta Sigrit islandiarrak. Umetatik Eurovision jaialdian parte hartzeko ametsa izan dute biek, eta filmak kontatzen duen abenturak ametsa errealitate bilakatzen lagunduko die. Laburbilduz, jaialdiaren edo Ferrell eta bere lagunen jarraitzaile sutsua bazara, ikusi. Bestela, ziur irauten duen ia bi orduko tartea aberasgarriagoa izango den zerbaitetan xahutu ahal zango duzula.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna