Albistea entzun

EKOGRAFIAK

Etxean bezala

Amaia Garcia -

2022ko irailak 27

Telesail bat ikusten hasten zarenean, pertsonaien bizitzan sartzen zara. Protagonista batzuk maitatzen hasten zara, eta, batzuetan, antagonista gorrotagarriak agertzen dira pantailan. Telesail luzeetan, maitatzen dituzun pertsonaia horiei zerbait larria gertatzen zaienean, larritu egiten zara. Enpatia asko dudan pertsona naizela uste dut, eta, askotan, telesailetako pertsonaien sentimenduekin enpatia handia izaten dut. Nire etxera pantaila txikiaren bidez sartu dira pertsonaia horiek, eta nire bizitzaren parte bihurtu dira, pixkanaka.

Telesailak bertan behera geratzen direnean, pertsonaien falta sumatzen dut batzuetan. Duela hilabete batzuk sentsazio horretaz hitz egin zuen Lucia Lijtmaerrek Deforme Semanal podcastean. Bertan, Lijtmaerrek adierazi zuen tristura sentitzen duela telesail bat bertan behera geratuko dela aditzera ematen denean. Sentsazio antzekoa izan dut, gustuko dudan pertsonaia bat New Amsterdam telesailetik desagertu delako. Telesail horren bosgarren denboraldia aurreko astean hasi zen AEBetan. Denboraldia hasi baino lehenago, Helen Sharpe medikuaren pertsonaia desagertuko zela jakin zen. Albiste horren berri medikuaren rola egiten duen Freema Agyeman aktorearen Instagram kontuan izan nuen. Une horretan sentsazio oso arraro bat sentitu nuen. Gertuko lagun bat nire bizitzatik urrun joan izan balitz bezala.

Telesailaren bosgarren denboraldia azkena izango da. Lehen kapitulua ez dut oraindik ikusi, azken denboraldi hau pixkanaka ikusi nahi dudalako. Helen Sharpe pertsonaiaren desagerpenaren ostean, lagun kuadrilla guztia desagertu egingo da. Horregatik, pantaila txikia pizten dudanean, nahiago dut geratzen diren kapituluei neurria hartzea. Zaila izaten da lagunei adio esatea, eta telesail horrekin antzeko zerbait gertatuko zaidala uste dut.

Zoratuta nagoela pentsatuko duzue, baina telesailak irensten ditugun pertsonok horrelako sentimenduak izatea arrunta dela uste dut. Ez da lehen aldia horrela sentitu naizena. Besteak beste, The Sopranos telesaileko James Gandolfini aktorea hil zenean, kristoren tristura sentitu nuen, eta testu bat eskaini nion nire bizitzan nola sartu zen azalduz. Etxean egongo balira bezala sentitzen ditut telesailetako pertsonaia horiek, eta telesailen bitartez agur esango diet.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Sukaldari bat, bere etxean, zopa prestatzen. ©BERRIA

Salda badago

Enekoitz Telleria Sarriegi

Zopa giroa izaten da negukoa: gozatzen duelako barrena eta eztitzen duelako aldartea. Baina hori baino gehiago ere bada zopa: oinarrizko jaki bat da, unibertsal bihurtu dena, eta norbere kulturaren adierazle ere badena. Jendeak, ordea, egiten du oraindik zoparik etxean?

Mastodonte baten hezurdura, Historia Naturalaren Amerikako Museoan, New Yorken. ©AMNH

Groenlandia baso oparoa zen

Jakes Goikoetxea

Duela bi milioi urte klima izoztuetako eta epelagoetako animaliak elkarrekin bizi zirela ondorioztatu dute, orain arteko DNA laginik zaharrena sekuentziatu eta gero

 ©MONIKA DEL VALLE / FOKU

«Euskarak bere lekua topatu beharko du krisi ekologikoan»

Amaia Igartua Aristondo

Krisiak eragin ditzakeen gizarte aldaketetara egokitu beharko du euskarak, Igeregiren arabera. Egoera gorabehera, euskalgintza eta ekologismoa batu daitezke; egun, ordea, «bakoitzak bere bidea du».
Donostiako Gabonetako azoka, jendez beteta, iazko abenduan. ©GORKA RUBIO / FOKU

Kaleak Gabonez blai

Ane Insausti Barandiaran Amaia Jimenez Larrea

Gabonetako azokak irekita daude Euskal Herriko hiriburu gehienetan. Azokez gain, hamaika ekitaldi antolatu dituzte, jaiak girotzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...