Albistea entzun

EKOGRAFIAK

2019

Miren Manias -

2019ko urtarrilak 2

ETBri eskainiko diot 2019ko lehen zutabea. Alde batetik, Edu Barinaga euskal telebistaren zuzendariak 2018 amaierarako agindu zizkigunetako batzuk oraindik iritsi ez direlako —nora joan ote da gure dirua, beraz?—; eta, beste alde batetik, hasi berri dugun urtean euskaraz ikusi nahiko nituzkeen hainbat eduki proposatzeko.

Hasteko, ezin dut aipatu gabe utzi Urtezahar gauean pantaila txikiaren aurrean sentitutako frustrazioa. Telebista publikoak zuzeneko emisio bera iragarri zuen ETB1erako eta ETB2rako. Mikel Pagadi eta Zuhaitz Gurrutxaga Herri txiki, infernu handi saioaren aurkezleekin, eta Sara Gandara ETBko kirol aurkezlearekin. Guardiako (Araba) plazatik, hain zuzen ere. Nola edo hala, ez nuen emanaldi elebidunik espero. Gutxitan egin bada ere, bi kateen eskaintza pareko jarri, eta ETBk euskara dakitenen beharrak aseko zituela uste nuen. Inozoa ni. Izan ere, Pagadi eta Gurrutxaga euskara hutsez aritu ziren bitartean, Gandarak gazteleraz egin zuen maiz. Alegia, urte berria ahobizi hasteko aukera paregabea alboratuz.

Badirudi Barinagak ez dituela euskaldunak maite. 2018ko otsailean, BERRIAk egindako elkarrizketan, Nahieran zerbitzua hobetuko zuela adierazi zuen euskal telebistako zuzendariak. «Dirua jarriko da horretarako». Euskarazko telesail berri bat eta umorezko saio bat egingo zituztela ere iragarri zuen. Eusko Jaurlaritzak 4,8 milioi euro gehiago eman zizkion EITBri, 2018an —aurrekontuaren zatirik handiena inbertsio teknologikoetan egiteko—. Halere, Nahieran zerbitzuak berdin jarraitzen du, eta euskarazko telesail berriaren pistarik ez dugu oraingoz —«asko jota», 2019aren hasieran ekin behar zieten grabaketei—. «Asmatzea zaila da», adierazi zuen elkarrizketa hartan. Asmatzea are zailagoa da benetako ahaleginik gabe, erantsiko nuke.

«Euskaraldia hizkuntza gutxitu baten alde sekula egin den ariketa partehartzaileenetakoa izan da», adierazi du Arkaitz Zarraga euskara irakasleak Euskaraldiaren osteko BERRIAko serietako batean. Josu Amezaga EHUko irakasleak, bestalde, ETB1n arazoa euskara ez zela agerian utzi zuen egunkari honetan; katearen eduki eskaintza baizik.

Benetan euskara biziberritu nahi bada, balia dezagun gure telebista. Hona hemen euskarazko proposamen bi 2019rako: euskal zinemari lotutako saio bat eta iaz agindu ziguten telesaila.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©MAIALEN ANDRES / @FOKU

«Tximeleta efektua gertatzen da; egia da»

Enekoitz Telleria Sarriegi

Sarriegiren Astrolabium konpainiak 'Butterfly effect' antzezlana estreinatu zuen igandean: tximeleta baten hegaldiak munduaren beste puntan sor ditzakeen olatuez, historian egindako keinuez, eta egin gabekoez.
Pierre-Andre Foix Exofair enpresako burua, Miarritzen ekoizten duten Every exoeskeletoa soinean. ©GUILLAUME FAUVEAU

Kanpoko hezurdura indar jokoan

Ainize Madariaga

Lan eta bizi baldintzak hobetzeko, Exofair enpresa Every exoeskeletoa ekoizten hasi da Miarritzen. Ekologikoa, erabilerraza eta denek eskuratzeko modukoa izatea du xede, partikularrak eta enpresa ttipietako langileak baititu jomugan: 30 kiloz arindu ditzake kargak.

Bingen Zupiria Eusko Jaurlaritzako bozeramailea, artxiboko irudi batean. ©DAVID AGUILAR / EFE

Jaurlaritzak baztertu egin du ikus-entzunezkoen kontseilua sortzea

Urtzi Urkizu

Eusko Jaurlaritzako bozeramaile Bingen Zupiriak esan du «nahikoa» direla gaur egun dauden egiturak eta zerbitzuak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.