Albistea entzun

EKOGRAFIAK

Musikariak ikusten ditut

Lander Arretxea -

2018ko irailak 18

Gaitz arraroren batek jota nabil azkenaldian. Diagnostikatu gabeko ikusmen trastornoren bat izango da agian —sekula ez naiz okulistarenean izan; nork daki? Edo ez. Baliteke zuri ere gauza bera gertatzea. Kontua zera da: eguna eta ordua edozein dela ere, telebista piztu, eta etengabe ikusten ditudala; ezker eta eskuin, dokierki. Mamuak ez. Musikariak. Abeslariak, partikularki.

Ikusten ditut dantzan, ulertzen ez ditudan lehiaketetan, iragarkigintzan, epaimahaietan, mozorro festatan, herri mugimenduak babesteko pankarten atzean edo aurkezle lanetan. Autoparodiaren mugetan batzuk, honezkero saio gidari gisa —merezimenduz—egonkortuta bestetzuk. Han eta hemen.

Goenkale-ko starring zerrenda eliteko kirolariek bete zuteneko hartatik —Naroa Agirre eta Perurenatarrak gogoan— halakorik ikusi gabeak ginen. Ez nau harritzen, hala ere. Telebistan agertuko den horrek behar duelako izan hizlari fina; komunikatzaile ona; lotsa handirik gabekoa —edo batere gabekoa, segun eta zein saiotan hartu beharko duen parte—; fokopeetara egina; eta, itxuraz, gero eta gehiago, aurretik ere jarraitzaile andana badituena. Eta bai, abeslariek, edo mordoxka batek behintzat, ezaugarri horiek batzen dituzte.

Baina ez denek. Zer gertatzen da talentu horiek ez dituzten gainontzeko musikari guztiekin? Bada, zorionez —eta Koldo Otamendi (beste gauza askoren artean) aurkezlearen enpeinuz— telebistan agertzeko beste bide bat ere badute: Hamaika telebistako Musika Zuzenean saioa. Dozenaka talderen erakusleiho izan ondoren, bigarren sasoia hasi berri dute. Bertan, harrigarriki, protagonistek ez dute ez dantzatzen, ez lehiarik egiten. Musika joaz eta euren lanaz —musikari-lanaz, kasu honetan— hitz egiten aritzen dira, patxadaz, bestelako osagarrien premiarik gabe.

Ematen dute datozen kontzertuen berri ere, eta ez da aportazio makala. Hori baita —talde zein bakarlarien lanaren berri ematea— musikarien alde egiterik den gauza onentsuena. Hori eta zuzenekoetara joatea; sarrera ondo ordainduta bada, hobe. Telebistan agertu nahi ez dutenek, hizlari kaskarrek edo instagramen jarraitzailerik ez dutenek alokairua ordaintzeko modu bat izan dezaten. Eta behin alokairua ordainduta, nahi duenak bakarrik egin dezan telebistara salto.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Zifren eta datuen inperialismoaren menpe bizi gara»

Gorka Erostarbe Leunda

Krisi garai erabatekoa; pentsatzeko tarterik ere uzten ez duena. Hartu du denbora hori Iñigo Martinezek, eta egungo inertziak auzitan jarri ditu 'Mandamentu hipermodernoak' lanean.
Pantailak Euskaraz ekimeneko kideak, manifestua aurkezten, gaur Durangon. ©BERRIA

Euskarazko ikus-entzunezkoen aldeko manifestu bat aurkeztu dute

Urtzi Urkizu

Pantailak Euskaraz taldeak plazaratu du testua, ikus-entzunezkoen arloko eta euskalgintzako zenbait eragileren ekarpenekin. Sektore desberdinetako 35 eragilek eman diote atxikimendua manifestuari. Atzo egin zuten agiriaren aurkezpena.

Kataluniako Heura enpresaren haragi tankerako pintxo beganoak jateko aukera dago azokan, Irunen. ©ANDONI CANELLADA / FOKU

Betiko txistorra ematen du ba!

Urtzi Urkizu

Beganismoari ikusgarritasuna ematen dion jaialdia egiten ari dira asteburuan Irunen, Ficoban: Be Veggie. Askotariko produktu eta zerbitzuak daude 70 erakusmahaitan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.