Albistea entzun

EKOGRAFIAK

Nolako lanak

Lander Arretxea -

2022ko maiatzak 25

Hartu tarte bat pentsatzeko. Jaso duzu gaur goizean egitekoren bat apur bat atzeratu zaiola dioen inoren mezu elektroniko edo deirik? Aurkitu duzu taxuz egin gabe zure etxean, gaztetxean edo dena-delakoan honezkero eginda behar zuen ezer? Edo kontrara, zeu izan zara jada asteazkena bada ere, asteko zeregin ia denak azken bi egunetarako pilatu zaizkiona? Egun gehientsuenak abiada bizian joaten zaizkiona, ia ezer egin gabe?

Horrela bada, litekeena da erruduna —tira, beharbada hitz aproposagoa da aitzakia— bi gurpilen gainean egiten den kirol bat izatea: txirrindularitza. Edo zehatzago esanda, gizonezkoen Italiako Giroa. Izan ere, Olano, Indurain, Zubeldia, Somarriba, eta abarrek euskaldun askorentzat kutun bihurtu duten kirola da, zaleak pantailari begira adi-adi mantentzen dituztenen artean, lan orduak izan ohi diren horietan garatzen den bakarra: eguerdiko hamabiak aldera hasi eta arratsaldeko bostak arte, gutxi gorabehera. Itzuliak direnean, gainera, asteko egun guztietan izaten da lasterketa.

Ez da zaila kalkulua egitea: txirrindularitza zuzenean jarraitzen baduzu, edo A: ez duzu lanik egun eta ordu horietan, edo B: lana hala moduz egiten duzu, bazkalosteko orduak plazer ezkutuko horri eskainita. Ni neroni, Pello Bilbaoren eta Mikel Landaren erasoa noiz iritsiko zain nago, begi bat telebistan eta bestea ordenagailuan, hau idazten ari naizen bitartean. Eta jakin nahi nuke zenbat lagun ariko ziren atzo, ni bezala, zeharka telebistari edo sakelako telefonoari begira: kezkatuago Mortiroloko igoerarekin unean-uneko zeregin edo ardurekin baino.

Txirrindularitza kirol ederra da, milaka gara zaleak intentsitate eta obseso maila desberdinetan —batzuk kezkagarriagoak beste batzuk baino—, eta gauza ederra da txirrindulari euskaldunak onenekin lehian ikustea. Baina protagonistek aldapa malkartsuetan dituzten lehia epikoek hain epikoak ez diren istorio txikiagoak uzten dizkigute telebistaren beste aldean. Zenbat gauza uzten ditugu erdipurdi eginda txirrindularitzaren aitzakian? Horren ondorioak nork ordaintzen ditu? Hitz joko batzuk benetan adierazgarriak dira: nolako lanak ditugun guk begiak telebistatik kendu eta gure zereginetan arreta jartzeko. Eta gauza bera ez dena: nolako lanak ditugunok baimendu dezakegu hori?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kamisetak banatu zizkieten atzo parte hartzaileei, Maulen. ©GUILLAUME FAUVEAU

Bueltan da olatu laranja

Eire Maia Manterola

Abiatu da IV. Euskarabentura espedizioa. Gaur egingo dute lehen etapa abenturan izena eman duten 127 gazteek: Mauletik Pagolara joango dira.
Iaz, ohi baino talde gutxiagok parte hartu zuten Donosti Cupen, osasun egoera dela eta. ©MAIALEN ANDRES / FOKU

Baloiak elkartuko ditu berriz

Ane Insausti

Inoiz baino talde gehiago arituko dira 30. Donosti Cupen: 754. Etzi hasi eta larunbatean amaituko da, eta jarduera guztiak egingo dituzte berriz ere.

Bilboko erraldoiak, Mariaren Bihotza plazako aztarnategian. ©BERRIA

Erakusketa erraldoi bat

Enekoitz Telleria Sarriegi

'Bilboko erraldoiak' erakusketa Mariaren Bihotzaren plazako aztarnategian jarri dute aurten, eta irailaren 11ra arte egongo da ikusgai. 1980ko eta 1988ko hamasei erraldoi daude bertan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...