Mexiko Hiria, berehala ahaztuko ez den porrota

Mexiko Hiria eta Queretaro lotzeko 210 kilometroko trenbidea eraikitzeko akordioa iragarri eta gero (3.000 milioi euroko kontratu izugarria), Enrique Peña Nietoren gobernuak atzera egin, eta Txinako CRCCk orain arteko porrot handiena jasan du. Antza, proiektua adjudikatzeko prozesua zikin dago, eta presidentearen emaztearen jauregi baten jatorria eztabaidaren osagai da. Txinako enpresek ez dute amore eman, ordea, eta Alstom eta Bombardierrekin lehiatuko dira kontratu handi hori lortzeko.