Euskal musika eta giroa,DJen eskutik
AREATZA. Gauero euskal musika eta giroaz gozatzeko aukera dago Areatzako txosnetan. Hor dago! Abante-ren txosnan DJen musikak alaitzen baititu gauak. Gaur, Soria y Melena arduratuko da festaz; bihar, DJ Selekta Abantek hartuko du lekukoa.
Patata eta arrautzekin festa irabiatzera
AREATZA. Aste Nagusian, gastronomiari loturiko lehiaketak dira ekitaldi ezagunenak. Egunero plater bat prestatzen dute Areatzan batzen direnek. Patata tortillak egingo dituzte gaur. Jende gehien batzen den ekintzetako bat izaten da. Adin guztietakoak aritzen dira sariaren bila.
Eguneroko zita jaigunearen erdian
AREATZA. 1895ean sortu zen Bilboko udal musika banda, eta Aste Nagusian emanaldia egiten du egunero, Areatzako kioskoan: zortzi ikuskizun, guztira. Jose R. Pascual Vilaplana eta IƱaki Urkizu zuzendarien batutapean, 12:00etan hasiko dira lehen doinuak.