Euskara saria jasoko du Seaskak
HAU PITTU HAU. Seaska ikastolen elkarteak jasoko du gaur Euskara saria, 17:00etan egingo den ekitaldian. 2003. urtean hasi zen Hau Pittu Hau konpartsa Euskara sariak banatzen. Hizkuntza sustatzeko lanean aritutako elkarte eta pertsonak omendu dituzte ordutik.
Ikurrin berria jarriko dute Arriagako plazan
ARRIAGA. Urteroko errituala da: Aste Nagusiko ostegunean ikurrinari omenaldia egiten zaio. Bilboko Konpartsetako kideek aurreskua dantzatzen diote ikurrinari, eta Arriagako plazan dagoen mastan iaz jarritakoa kendu, eta berria jartzen dute. 18:30ean hasiko da ekitaldia.
Kontzertu eskaintza zabala txosnetan
TXOSNAGUNEA. Ekintzen aniztasun eta ugaritasunaz aparte, zuzeneko musika eskaintza zabala izan ohi da Bilboko Konpartsen egitarauaren bereizgarrietako bat. Gaur, esaterako, Gorpuzkingz ariko da Pa... Ya!-n, eta Niña Coyote eta Chico Tornado eta Lisabo Algaran.
