Albistea entzun

ZORPETZEA EB-N

Berria -

2021eko urriak 20

Pandemia hasi zenetik, erruz handitu da Europako Batasuneko estatu kideen zorra; izan ere, gobernuek gastu publikoa handitu egin zuten kalte sozialak eta ekonomikoak txikitzeko, noiz-eta jardueraren gutxitzeak haien diru sarrerak asko apaldu zituen garai batean.

Zorpetzea. 2020ko lehen hiruhilekotik 2021eko lehenengora 1,36 bilioi euro handitu zen EBko 28 kideen zor publikoa (%12,3). Gaur egungo zorra, 12,42 bilioi eurorena, BPGaren %92,9 da, eta ia hamalau puntu handiagoa da pandemiaren aurrekoarekin alderatuta (%79,2).

Zorpetuak. EBko estatu kide batetik bestera alde handia dago. Portzentualki, Europa hegoaldeko estatuek handitu dute gehien zorra: +29,5 Italiak, +28,6 Greziak, +26,2 Espainiak, eta +22,1 Ziprek. Gutxien, berriz, Irlandak (+1,4), Bulgariak (+5), eta Herbehereek (+5.6).

Hegoaldea. Kontinentearen hegoaldeko estatuak dira, gainera, guztien artean zorpetuenak, haiei eragin zielako gehien euroaren zorraren krisiak, eta haiek dutelako zerga egiturarik ahulena kutxa publikoei eusteko. Grezian jada BPGaren %209,3ra iritsi da zorra, Italian %160ra, Portugalen %137ra, Zipren %125,7ra, eta Espainian %125,2ra.

Iparraldea. Kontrara, %60ko muga ospetsura ez dira iristen Europa iparraldeko eta erdialdeko zenbait estatu: %18,5eko zor publikoa du Estoniak, %28,1ekoa Luxenburgok, %40,7koa Danimarkak, eta %40,3koa Suediak. Gutxien zorpetutakoen artean daude EBko bi herrialderik pobreenak ere —Bulgariak %25,1eko zorra du; Errumaniak, berriz, %47,7koa—, baina zerbitzu publikoen ahultasunak eragin handia du horretan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Citiz auto-partekatu kooeratiben sareko auto batzuk. ©Citiz

Auto-partekatu kooperatiba sortuko dute Ipar Euskal Herrian

Iñaki Etxeleku - Iparraldeko Hitza

Nork bere autoa utzi kooperatibako autoak partekatzeko egitasmoa bidean jarri dute lau lapurtarrek. Elkartea udaberrian sortu eta lehen autoak 2023ko martxan nahi dituzte.

Abeltzainen protesta, Bilboko Arriagan. ©Monika del Valle / Foku

Elikagai katearen legea «berehala» aplika dadila eskatu dute nekazariek

Imanol Magro Eizmendi

Prezioen behatokia eta antzeko kontrol tresnak garatzeko galdegin diete euskal administrazioei, Bilbon. Gastuek goraka jarraitzen dutela salatu dute

Turistak Donostiako Parte Zaharrean, udan. ©JUAN HERRERO / EFE

Turismoak oso urruti ditu oraindik pandemia aurreko datuak

Xabier Martin

2021. urteak datu hobeak utzi ditu pandemiaren gordina pilatu zuen urteak baino, 2020ak baino, baina, turista kopuruei dagokienez, heren bat baino gehiago galdu dute Arabak, Bizkaiak eta Gipuzkoak 2019arekin alderatuta.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.