ETB2ko Urkulluren elkarrizketa kritikatu dute

Eusko Jaurlaritzako lehendakari kargua hartu berritan, Iñigo Urkulluk emandako lehen elkarrizketa irailaren 13an emititu zuen ETB2k. Horren harira, ETBko langile batzordeak ohar bat argitaratu zuen atzo, elkarrizketa egiteko modua arbuiatzeko: «Onartezina da lehendakariari ETBn eginiko lehen elkarrizketa ekoiztetxe batek egitea, eta gaztelaniaz, gainera». Elkarrizketaren edukia, kazetari lana, errealizazioa eta zuzendaritza ekoiztetxe baten esku utzi izana salatu dute, eta «zuzendaritzak etxeko langileak gutxiesten» dituela.