Jaurlaritza, euskal inbertsiogile baten bila

Eusko Jaurlaritzak ITP Aeroren erosketa prozesuan sartuko litzatekeen euskal inbertitzaile baten bila jarraitzen du, eta operazioa gauzatzerako «denbora» igaroko dela aurreratu du. Jaurlaritzak hainbat enpresari galdetu die, eta baten baten erantzuna «positiboagoa» izan dela azaldu du. Alde horretatik, eta azken egunetako zurrumurru ugariren harira, diskrezioz jokatzea komeni dela uste du, eta egitasmo sendo bat aurkitzea dela«garrantzitsuena». Era berean, berretsi du Jaurlaritza prest legokeela akziodun moduan sartzeko.