Zuri-gorriek ondo ekin diote urteari

Athleticek 1-3 irabazi zion atzo Osasunari, Sadarren jokatutako euskal derbian. Etxekoak aurreratu ziren 9. minutuan, Kike Garciak egindako golari esker. Pozak, ordea, gutxi iraun zien gorritxoei. 16. minutuan, Oihan Sancetek baloia sareetara bidali zuen. Gol horri esker, hauspotu egin ziren zuri-gorriak. Baita saria jaso ere, 24. minutuan Sanceten eskutik, berriz ere. Athleticeko aurrelariak area txikian eskuinez atea zulatu zuen. Bigarren zatian, etxeko taldeak partida berdintzeko ahalegina egin bazuen ere, ez zen fin ibili; bai, ordea, Sancet. Osasunan hezitako jokalariak hirugarren gola sartuta, garaipen biribila eman zion Athletici.