Atxilotuak aske uztea galdegin dute

G7 Ez plataformakoek deituta, hainbat manifestazio eta elkarretaratze egin zituzten atzo iluntzean. Miarritzeko goi bilerak iraun duen bitartean atxilotutakoei elkartasuna adierazi, eta ahalik eta lasterren aske uzteko galdegin zuten horietan. Donostian, manifestazio bat egin zuten Bulebarretik abiatuta, Atxiloketak, kontrolak, militarizazioa... G7 Ez! Errepresiorik ez! Atxilotuak askatu! lelopean (argazkian). Bilbon eta Iruñean, berriz, elkarretaratzeak egin zituzten, Frantziako kontsulatuaren aurrean Bilbon, eta Nabarreria plazan Iruñean.