Noiz sortua: 2018-08-04 00:30:00

Arrauna

Seigarrena, ezaguna

ETE ligako seigarren jardunaldia Pasaian jokatuko da gaur, erlojuaren aurka, duela bi asteko leku berean. Tolosaldeak irabazi zuen hura
Duela bi aste, Tolosaldeak irabazi zuen estropada Pasaiako eremuan.
Duela bi aste, Tolosaldeak irabazi zuen estropada Pasaiako eremuan. JUAN CARLOS RUIZ / FOKU Tamaina handiagoan ikusi

Aitor Manterola -

2018ko abuztuak 4

Badoa aurrera ETE liga ere, lehen aldi honetan. Emakumezko arraunlariek seigarren jardunaldia izango dute jokoan gaur. Duela bi aste izan ziren leku berean aritu beharko dute arraunean, Errenteriako Bandera jokoan izan zuten leku bera baita gaurkoa ere: Pasaiako eremua, erlojuaren aurkakoa, Pasai Donibane eta Pasai San Pedro artean geratzen dena. Zati bat badian izango da, eta bestea, itsasoan (17:30).

Eremu jatorra da: ikusteko ona, eta arraunean egiteko ere zintzoa, are gehiago gaurko baldintza onetan. Gainera, erlojuaren aurka denez, taldeak baldintza bertsuetan ibiliko dira. Duela bi asteko estropada hartan jarri behar dira begiak ezinbestean. Ez dago erreferentzia jatorragorik gaurkoari buruzko datuak aurkitzeko. Tolosaldea izan zen azkarrena uztailaren 22ko estropada hartan; Taldeak abiatutako proiektu berri honen lehen bandera irabazi zuen. Aldez aurretik ikusita, ezustea izan zen, beste talde batzuk baitziren faboritoak. Baina tolosarrak gai izan ziren ligan aurretik dauzkaten Donostiarra, Deustu eta Hibaika gainditzeko.

Oso alde estuak izan ziren, erlojupeko ia guztietan gertatzen den bezala. Deustuk eta Hibaikak segundo eskas galdu zuten garailearen aldean, eta Donostiarra laura geratu zen. Gaur ere antzeko kontuak izango dira ziurrenik, baina agian beste urrenkera batean.

Kontua estu baitago ETE liga honetan. Bost estropada jokatu eta gero, Donostiarra doa buruan, hiru estropada irabazita. Bada bitxikeria txiki bat, gainera, donostiarren orain arteko garaipenetan. Izan ere, ligako estropada bakoitietan lortu dute bandera astintzea: aurrenekoan, hirugarrengoan eta bosgarrengoan. Logika horrek segida badu, gaur ez zaio tokatzen irabaztea. Baina horiek kontuak baino ez dira. Gaurkoa gaur da, eta orain eta Pasaian onena denak irabaziko du, ez estatitistikek zehazten dutena, zehatzak izan arren.

Hibaikak du beste garaipena liga honetan, eta sailkapenean hirugarrena da, Donostiarratik bost puntura. Deustu dauka aurretik, hiru puntu gehiagorekin. Bilbotarrenak badu berezitik, orain artekoa aztertzen bada: goi-goian dabil ligako jardunaldi guztietan, eta horregatik da bigarren onena oraingoz. Baina ez du banderarik irabazi. Gertu dabilenak askotan bota ohi du garaipenaren atea, eta tokatu beharko litzaioke egunen batean Deusturi ere. Baina hori ere alferrik jardutea da. Gaur lan guztiak egin beharko ditu ondo irabazi nahi badu.

Beste erdia faltako zaie

Irabazitako bandera kopuruagatik, gaurko faboritoa Donostiarra da. Baina inor ez litzateke harrituko ligaren goialdean dauden beste taldeetako batek irabaziko balu ere. Bestelakoan, ikusi egin beharko da Kaiku gai den lehen hiru postuetara gehiago gerturatzeko. Hernaniren gorantzako bideak zer ematen dion ere jakin egin beharko da, gai ote den lehen aldiz lehen lau sailkatuen artean sartzeko.

Ikusteko dauden gauzak alde batera utzita, hau da datu ziurra: ETE ligak gaur osatuko du erdia.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Astelehenetik aitzinera Hego Euskal Herrian libre mugitzeko aukera izango dela espero du Urkulluk

Berria

Euskadi Irratian egindako elkarrizketa batean adierazi duenez, Pedro Sanchezi hala ulertu zion atzo Urkulluk. Salvador Illa Espainiako Osasun ministroak, ordea, atzo erran zuen hirugarren fasea bukatu arte ezingo dela autonomia erkidego batetik bertzera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Izurriak eragindako heriotzen kurba, ikusgai

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatuta» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egingo balio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Aitor Manterola

Informazio osagarria