Albistea entzun

Italiako Giroa

Ale distiratsua bildumarako

Lennard Kamnak irabazi du Italiako Giroko laugarren etapa, Etnan, eta Juanpe Lopez jarri da lider
Lennard Kamna Borako txirrindularia, atzo, garaipena ospatzen.
Lennard Kamna Borako txirrindularia, atzo, garaipena ospatzen. MAURIZIO BRAMBATTI / EFE Tamaina handiagoan ikusi

Eñaut Agirrebengoa -

2022ko maiatzak 11

Iheslariek gori-gori jarri zuten atzo Italiako Giroa, Etna sumendiko igoeran. Lasterketako lehen bukaera malkartsua izan zen, eta faboritoek ez zutenez zirkinik ere egin, ihesaldian jokatu zituzten etapa garaipena eta lidergoa. Lennard Kamnak (Bora) lortu zuen lehen saria, eta hala, tropeleko ehiztaririk iaioenetako bat dela berretsi zuen. Giroaren atarian ere besoak altxa zituen, Alpeetako Tourrrean, eta seigarren garaipena lortu zuen profesional legez. Bigarrena du itzuli handi batean, duela bi urte Frantziako Tourrean lorturikoaren ondoren.

Alemaniarra buruz buru gailendu zitzaion Juanpe Lopezi (Trek). Espainiarrak estreinakoz irabazi nahi zuen elitean, baina, azken bihurgunean kale egin, eta esprintean lehiatzeko aukerarik gabe gelditu zen. Alta, pozez zoratzen, amets batean bezala zegoen etapa finitu berritan. Ez zen gutxiagorako, maglia arrosa kendu baitzion Mathieu van der Poeli (Alpecin). Liderra ez zen bete-betean aritu Etnan, aproposagoak izango diren egunetarako indarrak gorde nahirik. Hautagai nagusiek ere beste baterako utzi zituzten suziriak. Sumendiko igoera elkarrekin egin zuten, Ineosen erritmoan. Richard Carapazen taldeak martxa nahiko bizia jarri zuen, eta, haizeak aurrez jotzen zuenez, inork ez zuen arriskurik hartu nahi izan.

Ordurako, etxerako bidea hartua zuen Miguel Angel Lopezek (Astana). Kolonbiarra da jokoz kanpo gelditu den lehen faboritoa. Mina zuen ezkerreko aldakan, eta ezin izan zuen jarraitu lasterketan. Etapa hasi eta gutxira erretiratu zen, eta, hortaz, liderrik gabe gelditu zen Astana. Vincenzo Nibalik onenak eman ditu jada, eta ez zen kapaz izan Etnako helmugara onenekin iristeko. Lehenago, Tom Dumoulin (Jumbo Visma) ezinak jota geratu zen. Erlojupekoan indartsuenetako bat izan zen arren, behera egina da maldan gora. Simon Yates (Bike Exchange), berriz, onik atera zen, nahiz eta etaparen hastapenean erori. Min hartu zuen belaunean, eta atzera eginda egon zen, medikuek arta zezaten. Etnan ez zen lehertu.

Ihesaldiak bai, eztanda egin zuen sumendian. Hamalau laguneko multzo bat ibili zen ihes eginda; hartan ziren, Lopez eta Kamnaz landa, Rein Taaramae (Wanty), Mauri Vansevenant (Quick), Lilian Calmejan (Ag2r), Sylvain Moniquet (Lotto Soudal) eta Gijs Leemreize (Jumbo Visma). Hasieran, Van der Poel eta Biniam Girmay (Wanty) ere saiatu ziren ihesaldian sartzen, baina saiakera ustela izan zen. Liderra eten egin zen gero, errepidea tentetzen hasi orduko, eta haren taldekide Stefano Oldanik piztu zuen sua aurrekoen artean. Ia minutu baten aldearekin izan zen, baina Lopezek azkar harrapatu eta aurreratu zuen. Kamna geroago oldartu zen. Bi eraso egin zituen, eta tontorretik 6,5 kilometrora bakarrik irten zen Lopezen bila. 35 segundoren aldea irauli beharra zeukan.

Bada, espainiarrarekin bat egin zuen lau kilometro geroago. Saria banatu egin zuten: etapa batentzat, lidergoa bestearentzat. Hirugarren Taaramae izan zen, atzetik aurrera eginda, 34 segundora. Faboritoen artean, Emanuel Buchamnnek (Bora) imintzio txiki bat egin zuen, baina ez zuen eduki jarraipenik. Kamna iritsi eta 2.37ra helmugaratu ziren, Carapaz buru. Ekuadortarra zazpigarren izan zen, eta bi postu atzerago sartu zen Pello Bilbao (Bahrain). Gernikarra zazpigarren dago sailkapen nagusian, Lopezekin bi minutu galduta. Mikel Landa (Bahrain), berriz, 11. izan zen atzo, eta hamabigarrena da sailkapenean, 2.15era. Oilarren artean, Yates dago posturik onenean: laugarren, 1.42ra.

Bestalde, Nafarroako Klasikoaren lehen etapa jokatu zen atzo, eta Movistarreko Sarah Gigante australiarra gailendu zen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Mendifilmen aurkeztuko duten 'Joy' filma ©

Ohiko osagaiekin doa heldu eginez Mendifilm

Unai Ugartemendia

Ostiralean hasi, eta abenduaren 18an bukatuko da hamabosgarren Mendifilm jaialdia, Bilbon. Indartsu hasiko da aurtengo ekitaldia: Alastair Lee zuzendari ingelesaren Ephemeral-ekin, eta Ignasi Lopez kataluniarraren Egoland-ekin.

Kroaziako atezaina eta jokalari bat, final-laurdenetarako sailkapena ospatzen, atzo. ©NEIL HALL / EFE

Bete da espero zena

Jone Bastida Alzuru

Brasilek aise hartu du mendean Hego Korea. Kroaziak, berriz, penaltietan kanporatu du Japonia
Xerdan Xaqiri Suitzako jokalaria, Serbiari sartutako goletako bat ospatzen. ©ROLAD WITTEK / EFE

Gerran jaio eta zelaian hazi

Iñigo Lasa

Xerdan Xaqiri Suitzako selekzioko izarretako bat da. Messi eta Cristiano Ronaldorekin batera, azken hiru Munduko Kopetan gola sartu duen jokalari bakarra da.
Patxi Vrignon-Etxezaharreta, France-Presseko kirol kazetari euskalduna, Qatarren, Munduko Kopako baloia buruan daukala. ©PATXI VRIGNON-ETXEZAHARRETA

Zalantzaz betetako ametsa

Beñat Mujika Telleria

Patxi Vrignon-Etxezaharreta France-Presse agentziako kazetaria Qatarren dago, Munduko Koparen berri ematen, eta herrialdearen berezitasunak ezagutzen ari da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Eñaut Agirrebengoa

Informazio osagarria

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.