Labanaz eraso egin zieten bost laguni atzo Santurtzin (Bizkaia), goizaldean irekitzen dituzten taberna batzuen inguruan. Eusko Jaurlaritzako Segurtasun Sailak azaldu duenez, liskarra sortu zen Itsasalde kalean, taberna eremuan, 14:00 aldera. Aiztoak erabili zituzten.
Ertzaintza ikertzen ari da zer gertatu zen. Lehen informazioen arabera, taberna atari batean liskarrean hasi ziren hainbat lagun, eta haietako batzuek labanaz eraso zieten besteei.
Larrialdiko zerbitzuetan abisua jasota, anbulantziak eta poliziak joan ziren. Denera bost lagun eraman behar izan zituzten ospitalera, labana zaurien ondorioz. Erasoarekin zerikusia daukatelakoan, Ertzaintzak hiru pertsona atxilotu ditu.
Bost lagun zauritu dituzte Santurtzin, borroka batean
Iruzkinak
Ez dago iruzkinik
Ordenatu