ETE ligak hamaikagarren jardunaldia du gaur, eta estropada berezia izango da lehiaketan buru doan taldearentzat, etxean ariko baita Zumaia (18:00). Arraunlariek eta patroiek itsasoan jardungo dute lanean, hiru txandatan banatuta: aurrenekoan joango dira Ondarroa, Lapurdi eta Colindres; bigarrengoan, Kaiku, San Juan, Isuntza eta Hernani; eta azkenekoan, lehen laurak, Zumaia, Hibaika, Tolosaldea eta Deustu.
Zumaiak eta Hibaikak launa bandera dituzte, eta bana Deustuk eta Tolosaldeak; gaur ere arriskua dago garailea laukote horretako bat izateko, baina itsasoaren egoerak ireki diezaioke aterik besteren bati, iragarpen txarrak betetzen badira, behintzat.
Gaurkoaren ondoren, lau jardunaldi baino ez dira geratuko ETE liga bukatzeko.
Zumaiak etxean du aukera ETE ligako lehen postua indartzeko
Iruzkinak
Ez dago iruzkinik
Ordenatu
